影片
更多
2019-02-27
99 浏览
近排出親去都食日本野，來來去去都係啲日式料理好似冇乜新意，所以特登上網search下睇下有啲咩特別啲嘅日本野同frd子出去新鮮下。搵到間幾就腳又喺銅鑼灣鬧市嘅日本海鮮燒烤炎丸水產，座位大概40人,裝修非常有日本特色，話明食水產當然連裝修都係海事風。同frd子每人點左一杯酒精飲品Sapporo-日本啤酒，麥味夠，不太苦。梅乾 Highball- whisky 口味的梅酒，呢杯好啱唔鍾意飲甜酒嘅人因為一啲都唔甜，酒精度高。左口魚刺身-性價比高，成碟刺身大概有10片都係$158，而且新鮮，食落有口感。北寄貝(細)-切好一片片上，肉厚彈牙,甜美。甜蝦刺身-色澤粉紅，蝦身光澤而且非常肥美。炎丸號壽司-呢款菜式有啲似海鮮沙律，有蟹柳，吞拿魚茸，大大粒魚子同埋新鮮海膽，整個沙律都可以俾你享受晒所有內面海鮮嘅鮮味，非常抵食。蟹味曾甲羅燒- 蟹蓋裏面放咗蟹肉，蛋汁仲其他配料等，撈埋一齊簡直係超級邪惡，食完好似食咗成隻蟹d膏咁,好有蟹味，好特別。烏賊磯燒- 燒得剛剛，一d都唔乾，加埋燒汁味道非常配合，彈牙得來好有𡁻勁。柳葉魚(5本)- 魚仔烤得剛剛好，外脆內軟，有魚味。白蛤磯燒(5只)- 好大隻而且冇
近排出親去都食日本野，來來去去都係啲日式料理好似冇乜新意，所以特登上網search下睇下有啲咩特別啲嘅日本野同frd子出去新鮮下。搵到間幾就腳又喺銅鑼灣鬧市嘅日本海鮮燒烤炎丸水產，座位大概40人,裝修非常有日本特色，話明食水產當然連裝修都係海事風。
同frd子每人點左一杯酒精飲品
Sapporo-日本啤酒，麥味夠，不太苦。
梅乾 Highball- whisky 口味的梅酒
，呢杯好啱唔鍾意飲甜酒嘅人因為一啲都唔甜，酒精度高。
左口魚刺身-性價比高，成碟刺身大概有10片都係$158，而且新鮮，食落有口感。
北寄貝(細)-切好一片片上，肉厚彈牙,甜美。
甜蝦刺身-色澤粉紅，蝦身光澤而且非常肥美。
炎丸號壽司-呢款菜式有啲似海鮮沙律，有蟹柳，吞拿魚茸，大大粒魚子同埋新鮮海膽，整個沙律都可以俾你享受晒所有內面海鮮嘅鮮味，非常抵食。
蟹味曾甲羅燒- 蟹蓋裏面放咗蟹肉，蛋汁仲其他配料等，撈埋一齊簡直係超級邪惡，食完好似食咗成隻蟹d膏咁,好有蟹味，好特別。
烏賊磯燒- 燒得剛剛，一d都唔乾，加埋燒汁味道非常配合，彈牙得來好有𡁻勁。
柳葉魚(5本)- 魚仔烤得剛剛好，外脆內軟，有魚味。
白蛤磯燒(5只)- 好大隻而且冇晒沙，非常鮮味，連燒出嚟既白蛤汁都非常鮮甜。
三文魚什菇牛油-炒得好入味,d菇同三文魚好夾，食到唔停得口。
炸蓮藕- 除咗新年嘅糖蓮藕之外我都好少食過出面有蓮藕乾嘅餸，估唔到就咁炸法都幾特別，好似薯片咁但係蓮藕做嘅薯片，香脆可口。
花魚半條- 條魚煎得好脆，裏面魚肉厚，可以大口大口咁食，非常掋食。
整體來講絕對屬於水準高既日式海鮮燒，食物質素高而且有專人幫手燒海鮮，對於懶人來講絕對係福音，值得再嚟過。
张贴
