屋子 (已結業)

將軍澳係假日我最鐘意去既地方，果邊既餐廳一般空間感都比較大同埋等候入座既時間都較短。呢次同朋友就行左去近海旁位置既屋子，門外是落地玻璃設計，望入去明亮簡潔，環境闊落，靠窗位置仲有榻榻米座位，整體走日式木系風格，一入去收銀位置旁邊就有一個玻璃櫃擺放甜品Display，每件甜品既打卡度都超高超精緻，所以我地都未坐定已經決定要試食佢既甜品。🐠白玉焙茶戚風蛋糕 $68蛋糕上面主要有幾粒白玉同埋滿滿既焙茶忌廉，白玉既口感好煙韌唔會太硬咬唔到，而戚風蛋糕就好鬆軟一D都唔乾身，整體味道清甜，焙茶味道濃郁，特別推薦一試。🐠草莓培茶戚風蛋糕 $69蛋糕中間係一層草莓忌廉夾層，面頭有一層軟既純忌廉，草莓味道香甜，不過比起白玉焙茶戚風蛋糕呢一款相對就比較普通。🐠黑芝麻拿鐵咖啡 $45好小地方有呢款咖啡所以就試下，黑芝麻既味道同牛奶咖啡混合配搭新穎，不過整體咖啡味就比平時冇咁重，有D似平時飲黑豆漿果種感覺，唔會有咖啡苦澀味，真係想飲咖啡味濃D既朋友就建議可以飲其他款，另外我都好鍾意係飲品上既海馬拉花，好有心思好靚。