極尚大喜屋

营业中

休息中

今日約朋友旺角行街，朋友話想食放題，咁我就帶左佢去食雅蘭中心極上大喜屋，因為大喜屋時不時都更新菜單，今次就有咖哩慢煮羊肉加手工傅餅，羊肉好入味，仲有薯仔，一齊食嘢味。入秋菜色有一品蟹皇小籠包拌麵都係第一次見，味道又幾好喎，仲有時令蟹皇扒冠軍豆苗。重口味嘅仲有川味燒鮮蠔，避風塘炒魷魚，金蒜蓉粉絲蒸扇貝，全部味道拾到好處又新鮮。清淡少少仲有鮮蟹粥，金湯慢煮鮑魚花膠，大家係開始食野就叫個蟹粥食咗先，暖一暖個胃，再開始食其他野，會食得更多嫁。食放題當然仲有魚生刺身，三文魚，油金魚，池魚王，希靈魚，北海道鮮帶子，馬刀貝等等⋯款式多到唔怕唔夠喉。魚子醬鵝肝多士都係必食，我見每張枱都會叫嚟食，真係好好味，鵝肝大大件，加埋多士加分。環境衛生同埋新裝修，用餐枱寬敞，自助吧地方更大，繁忙時間都唔怕人迫人，值得一讚。