牛の鍋日本料理

营业中

休息中

朋友介紹黎左呢間火鍋放題店食，係可以任食火鍋加日式放題。商場上一層轉彎就見到。野飲種類都唔少，有汽無汔都有，罐裝啤酒都係任飲。我地要左新出既椰子雞，湯底望落幾清，但有好香既椰子味；雞唔會比太多，不過係任食可以叫侍應再比。羊肩肉，無乜羶味，唔錯唔錯。極上牛肉，油脂紋路幾靚，食落夠香又重牛味。刺身款式都係大眾化既選擇，特別在佢有劍魚腩的，奈何我地夜先食所以無哂了。刺身都切得幾厚，無雪藏味。壽司舊飯無特別大舊，刺身亦無縮水，幾好。串燒黎到都係熱辣辣，夠惹味。天婦羅都係好熱，試左鰻魚天婦羅，外面炸份夠脆，魚肉無乾。甜品款式都幾多，味道好好。仲要有用榴槤整既班戟同西米甜品。