金田家 (已結業)

今日午飯同同事嚟到燈籠街嘅呢間金田家食午餐，一齊黎試一試佢嘅拉麵正唔正宗因為呢間鋪頭比較細，午飯時間人好多，所以我哋特登揀咗兩點鐘之後先來食，嚟到好快就有位。同日本嘅拉麵店一樣，點餐都係畫係一張紙上邊，亦可以按照自己嘅喜好黎選擇拉麵嘅硬度及蔥嘅多少等。我揀咗雞白湯豚骨拉麵，雞白湯冇豚骨湯底咁濃味，較為清淡，而叉燒亦十分入味軟滑。同事揀咗柚子辛口拉麵，佢話柚子味好濃，係一個好特別嘅湯底，值得一試。煎餃子皮薄餡靚，熟水準之作。呢個炸薯餅有兩件，分別用咗薯仔牛肉同紫薯兩個餡料，即叫即炸，送上來嘅時候熱辣辣，外皮十分酥脆，非常好吃！