影片
更多
2022-12-06
47 浏览
Pancake 專門 Pancake Senmon📍銅鑼灣百德新街57號海華大廈地下B號舖第一次五星評！第一次五星評！第一次五星評！好重要，所以講三次！食完拉麵，我同朋友想去埋同區好受歡迎嘅pancake semon食嘢。之前睇相已經覺得佢哋嘅甜品同飲品好photogenic，所以都想嚟打打卡，拍低這境界！佢哋嘅嘢食唔係虛有其表㗎，唔單止睇得，仲好好食添，而且環境舒服好有日本風，今次就分享下我哋呢晚嘆咗啲咩啦！ 💰$148日本和栗Mont Blanc班戟 🌰相信有留意開香港甜品嘅大家都唔會對呢個Mont Blanc pancake感陌生，佢實在係太icon太適合打卡啦！我第一次見到人分享嘅時候，仲以為係炒麵嚟，點知原來係一個咁精緻嘅甜品！呢個Mont Blanc系列有三種口味可供選擇，我哋揀咗和栗，而pancake就揀咗原味，配埋六選一嘅焙茶雪糕，組成我哋眼前呢個巨型栗子塔！我哋好surprised上檯嘅實物同圖片係一模一樣咁濟，勁難得會見到圖文相符嘅嘢食，好感動！栗子絲幼細但味道好濃郁，一大啖食就好似食緊一大啖栗子蓉，但佢又唔似一般嘅粟子蛋糕咁死甜同膩，我哋8成飽住咁去食都唔怕佢滯到
📍銅鑼灣百德新街57號海華大廈地下B號舖
第一次五星評！第一次五星評！第一次五星評！好重要，所以講三次！
食完拉麵，我同朋友想去埋同區好受歡迎嘅pancake semon食嘢。之前睇相已經覺得佢哋嘅甜品同飲品好photogenic，所以都想嚟打打卡，拍低這境界！佢哋嘅嘢食唔係虛有其表㗎，唔單止睇得，仲好好食添，而且環境舒服好有日本風，今次就分享下我哋呢晚嘆咗啲咩啦！
[價錢 Price]
💰$148
日本和栗Mont Blanc班戟 🌰
相信有留意開香港甜品嘅大家都唔會對呢個Mont Blanc pancake感陌生，佢實在係太icon太適合打卡啦！我第一次見到人分享嘅時候，仲以為係炒麵嚟，點知原來係一個咁精緻嘅甜品！
呢個Mont Blanc系列有三種口味可供選擇，我哋揀咗和栗，而pancake就揀咗原味，配埋六選一嘅焙茶雪糕，組成我哋眼前呢個巨型栗子塔！我哋好surprised上檯嘅實物同圖片係一模一樣咁濟，勁難得會見到圖文相符嘅嘢食，好感動！
栗子絲幼細但味道好濃郁，一大啖食就好似食緊一大啖栗子蓉，但佢又唔似一般嘅粟子蛋糕咁死甜同膩，我哋8成飽住咁去食都唔怕佢滯到食唔落！𥚃面嘅焙茶雪糕存在感唔高，味道偏清淡，唔怕喧賓奪主搶咗栗子嘅氣味。
話晒都係pancake專門店，當然要試真啲佢個pancake啦。我食過唔同種類嘅pancake，有soufflé pancake啦，American style pancake啦⋯⋯但呢種口感嘅pancake真係第一次食，佢口感介乎於厚實同鬆軟之間， 唔似前者咁入口即溶，但又無後者咁油膩，係一個好特別嘅口感。餐廳標榜以全日本空運食材整出無麩質日式班㦸，人人都啱食！
[價錢 Price]
💰$118
蘋果金寶班戟 🥧
我一向都好鍾意食apple crumble同apple pie，但無論美式或日式，只要係用酥皮或牛油皮做餅皮嘅，食得多都會覺漏，好味但唔食得多。呢個apple crumble pancake就恰到好處喇，同樣有勁香肉桂味，蘋果蓉同crumble都似足晒真正嘅咁，但因為換咗pancake做底，整個甜品變得輕盈得多，唔會膩或者食幾啖就飽。我好欣賞佢用貓貓裝置來上碟，好可愛好有玩味。其實除咗呢個甜品，成間店舖都有好多貓嘅元素，啱晒我呢啲愛貓之人！
Crumble上面放住一球凍冰冰嘅雲呢拿雪糕，每次同朋友食到一啲一冷一熱嘅食物，佢都會話要用冰火二重奏來形容。但今次佢好興奮咁講話除咗有冰有火，連個蘋果都好夾，一啖食落去有三重口感，係前所未有嘅體驗！佢一向都唔係特別喜歡食甜品，或者應該係話無咩機會試到唔同款式嘅甜品，同我好唔同。但佢就覺得呢個係目前為止，佢食到最好食嘅一個甜品，可想而知個評價有幾高！終於知道食到好味嘅甜品係咩感覺呢？放心交俾我，等我帶你食多啲甜品啦！
[價錢 Price]
💰$48
抹茶富士山 🗻
我唔係一個特別好飲品嘅人，但只要係有奶嘅飲品，我都好鍾意飲！而識得我耐嘅朋友同我去親cafe，基本上都識得幫我叫杯green tea / matcha latte，因為我唔飲咖啡但又勁愛奶同茶！睇menu見到呢杯咁精緻嘅抹茶鮮奶，就已決定落單！
佢嘅茶奶比例接近4:6，奶好香醇，唔會有好種好怪嘅假鮮奶味；抹茶奶蓋好清新好滑，飲落唔會有鞋鞋嘅茶葉質感。我跟menu教咁先試一啖抹茶奶蓋，好正！然後再攪拌20下，就飲到一杯好滑好順口嘅latte啦！
[價錢 Price]
💰$48
焙茶富士山 🗻
如果同樣鍾意飲奶，但又想飲到茶味濃口感rich嘅可以試吓呢杯焙茶鮮奶。我見佢介紹寫住400次焙茶奶蓋，應該係打個奶蓋嘅次數同令到佢好濃厚綿密嘅意思。的確，就咁試個奶蓋已經飲到佢陣天然嘅茶香，雖然甘甜無苦澀味，但絕對唔係後天加工嘅糖水甜。我同朋友一飲第一啖都露出勁滿足嘅笑容，呢種笑容從心而發，呃唔到人。呢個亦係我點解會想寫ig food reviews嘅原因之一，就係想用文字記錄低食到唔同食物時嘅幸福感。
總括而言，成個用餐體驗係非常享受！食每一樣嘢、飲每一樣嘢都有耳目一新嘅感覺！而且睇得出無論擺盆、裝修、定係招待客人方面，餐廳都落咗好多心事。喺用餐期間見到嘅職員，不論係侍應定咖啡師，都好專心認真咁做緊自己崗位要做嘅嘢。
雖然食完拉麵隔咗一個鐘無耐就食呢餐，但嘢食實在太好食，所以我哋清晒所有杯杯碟碟上面裝住嘅嘢！佢嘅環境真係又靜又舒適，我哋去食當日唔算特別多客人，但相信坐滿晒都唔會迫迫夾夾或者好嘈，衷心希望有多啲人認識佢哋，幫襯吓呢啲咁高水準嘅餐廳！
张贴
