Mizu (已結業)

好耐冇嚟佐敦德興街食飯，疫情關係好多舖頭都唔同晒。呢間舖頭用日本名字命名，裝修風格同埋菜單都好有日式情懷，令人有返鄉下嘅感覺。座位夠寬躺坐得舒服，寫意地食個午餐。墨汁海鮮意大利飯，擺設得好靚，睇落已經好吸引。墨魚嘅質素都幾高，肉質好有彈性。濃厚嘅忌廉帶出香氣。燒鰻魚定食，傳統日式食物，但係佢哋用咗少少西式嘅煮法，鰻魚夠大件又厚身，好有咬口又好肥美。另外將啲蛋切咗幼絲加喺飯上面，吸收左鰻魚汁嘅味道，連飯一齊食好有層次感。佢哋嘅咖啡亦都10分有水準，咖啡豆陣陣回甘口感，好友 after taste, 兩款咖啡用唔同嘅杯，幾有心思。