影片
更多
2023-03-24
870 浏览
📌漁初·魚丼📍長沙灣營盤街147號天悅廣場地下B2號舖☎️23886959★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*之前聽朋友介紹長沙灣天悅附近有間日本餐廳都幾好味，呢日我就約咗朋友去一試究竟。喺附近舊式小店林立下，呢間門面充滿日本風情🎎🏮嘅餐廳相對突出，一定唔會走漏眼。入座被安排坐壽司吧，可以見到師傅們👨🏻🍳密密做唔停手。💫 火炙鰈魚邊系列海鮮丼（$118）我見到有鰈魚邊已經即刻心心眼😍。成個系列有不同配搭，我揀咗火炙鰈魚邊、赤蝦、三文魚、玉子燒。各款材料都好新鮮，赤蝦大大隻，三文魚肥美，尤其是鰈魚邊燒過後嘅魚油香滲埋落下層嘅酢飯，食晒無難度。💫雜錦系列海鮮丼（$78）朋友選擇雜錦系列，㨂咗吞拿魚腩蓉、角切魚生、玉子燒呢個組合。除咗大大球吞拿魚腩蓉，仲有油甘魚同三文魚角切，加上滿滿蟹籽增強口感。上枱大大碗，啲材料堆到成座山咁高，真係好抵食。海鮮丼嘅酢飯仲可以無限添加。💫油甘魚腩壽司（$26/2件）入口甘甜，口感厚實，手握壽司有功架，唔會一夾就散。🍢燒物嗌咗三款：💫蟹膏蟹肉甲羅燒（$58）蟹蓋內釀滿蟹膏，即燒令蟹膏香味四溢，
📍長沙灣營盤街147號天悅廣場地下B2號舖
☎️23886959
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
之前聽朋友介紹長沙灣天悅附近有間日本餐廳都幾好味，呢日我就約咗朋友去一試究竟。
喺附近舊式小店林立下，呢間門面充滿日本風情🎎🏮嘅餐廳相對突出，一定唔會走漏眼。入座被安排坐壽司吧，可以見到師傅們👨🏻🍳密密做唔停手。
💫 火炙鰈魚邊系列海鮮丼（$118）
我見到有鰈魚邊已經即刻心心眼😍。成個系列有不同配搭，我揀咗火炙鰈魚邊、赤蝦、三文魚、玉子燒。各款材料都好新鮮，赤蝦大大隻，三文魚肥美，尤其是鰈魚邊燒過後嘅魚油香滲埋落下層嘅酢飯，食晒無難度。
💫雜錦系列海鮮丼（$78）
朋友選擇雜錦系列，㨂咗吞拿魚腩蓉、角切魚生、玉子燒呢個組合。除咗大大球吞拿魚腩蓉，仲有油甘魚同三文魚角切，加上滿滿蟹籽增強口感。上枱大大碗，啲材料堆到成座山咁高，真係好抵食。
海鮮丼嘅酢飯仲可以無限添加。
💫油甘魚腩壽司（$26/2件）
入口甘甜，口感厚實，手握壽司有功架，唔會一夾就散。
🍢燒物嗌咗三款：
💫蟹膏蟹肉甲羅燒（$58）
蟹蓋內釀滿蟹膏，即燒令蟹膏香味四溢，伴蟹柳撈勻搽在香烤過嘅脆多士上，鹹味平衡，鮮味濃郁。
💫汁燒原塊豬頸肉（$58）
即叫即燒熱辣辣，醬汁惹味，燒過後好香口又唔會好乾。
💫燒明太子雞髀肉（$22/串）
雞髀肉嫩滑冇得頂，用明太子醬燒出黎充滿咸香。
當日好彩有book 位，見住啲客不斷車輪轉，師傅做到無停手，但都keep 到水準唔馬虎。餐廳食物選擇多，下次要約多啲朋友黎嗌多啲唔同嘅美食。
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
张贴
