一汁一菜 (朗豪坊) (已結業)

一直都好想試呢間,因為係主打健康日式家庭料理,所以行完街就過來有得堂食既朗豪坊分店,呢度裝修以簡約和風為主,半開放式既設計唔會覺得焗束,坐得好舒服呢度主要有湯,咖喱飯,小菜,飲品,沙律及麵包等選擇,無論賣相定味道都好有日本家庭既感覺 ☆法式龍蝦湯 龍蝦湯飲落質感比較杰身,味道好好濃郁,加入忌廉就更加香滑,內裡放左好多小龍蝦肉,令個湯增添鮮甜既味道☆日本帆立貝大根豆乳濃湯 豆乳湯充滿豆香味,濃稠度剛剛好,入口順滑,內裡放左多粒帆立貝,大根又好林,真係好飲又足料☆沖繩汁燒大根豬軟骨豬軟骨軟腍唔韌,唔洗用力咀嚼,大根又炆得好林好入味,食落仲特別鮮甜,岩哂送飯食☆自家製野菌醬燒和牛漢堡扒漢堡扒好厚身,食落鬆軟唔會好結實,配上甜甜地野菌醬,加埋D菇一齊食好好味☆綠茶 (凍)清清地又涼浸浸,食飽後飲都幾解膩☆烏龍茶 (凍)味道比綠茶濃郁,飲落較為甘醇,解渴同時又唔會苦澀