日嚐

紅磡隱藏小店「日嚐」，主打日式定食，$88慢煮牛舌套餐超抵食！牛舌厚切，略嫌有啲彈牙，慢煮入味，肉量多！加$8醬油醬飯，香氣濃郁，但飯有少少太笠，如果粒粒分明就會係絕配。配菜有好多款式揀，今次揀咗清爽青瓜，減低番牛舌嘅油膩感。青蔥湯暖心。同事揀嘅封門柳輕量版都係肉量充足，夠哂足料。男仔食都唔會覺得少。可惜店面細，座位少，只得一位侍應，氣氛chill但出餐稍慢。限時一小時用餐，略為趕急，建議避開繁忙時段。整體而言唔算太差，適合3-4人聚餐。