又一 (已結業)

今日喺中環見到一間新開張嘅日式咖喱豬扒飯，同同事去咗試食。午市時間都比較多人排位我，我哋等咗大概15分鐘。我哋兩個女仔一人叫咗一個餐。個滑蛋咖喱豬扒飯味道不錯，不過啲咖喱有啲似咖喱摶開粉出嚟，豬扒炸得好鬆脆，蛋亦都滑。不過個咖喱芝士烏冬就好一般，侍應第一次送到黎嘅時候係唔記得咗落芝士，叫佢加返之後攞到出嚟啲芝士是完全未溶，仲有啲雪櫃味。食到一半啲芝士仲未溶得晒。真係好冇誠意。樽仔奶茶就一般般啦，茶味偏濃味。