岳川串揚 (已結業)

#岳川串揚阿仔喺灣仔伊館有課外活動，接完佢，已經到咗午飯時間。我哋最後喺摩理臣山道一間街坊日式小店，食經濟抵食嘅午市套餐。我鍾意香口嘢，揀咗日式咖喱吉列豬扒飯（$88）。吉列豬扒好大塊，每條酥香有咬口，配濕濕地唔辣嘅日式咖喱汁，話咁快，我已經食晒成碟珍珠飯！阿仔食日式牛肉烏冬 （$88）。肥牛嘅份量都幾多，配日式燒汁，再用碟另上。咁就唔使放喺湯烏冬裏面，影響肉嘅口感，小店果然好細心。食午市套餐，可以用優惠價錢追加串燒。一共有五款選擇，我哋揀咗燒雞翼（$15）同茄子串揚 （$10）。地址：灣仔摩理臣山道8號地舖