影片
更多
2023-11-01
69 浏览
一直都覺得K11 Musea嘅餐廳大部分都唔錯，今次去嘅呢間Ukiyo位於商場六樓，係一間偏日式嘅輕食Cafe，但又融入左咖啡室All Day Breakfast，仲有數款招牌麻糬窩夫甜品。價錢合理，味道都唔錯。炸蕃薯條（$68）：厚切蕃薯條非常酥脆，蕃薯味濃郁香甜，可搭配兩款醬汁，分別有日式芥末蛋黃醬、黑松露蛋黃醬、明太子蛋黃醬、和風煙熏辣茄醬。和風煙熏辣茄汁配慢煮澳洲和牛面頰手工意大利寬麵（$188）：醬汁偏重番茄嘅酸甜，帶非常輕微辣味，加入左蘑菇粒及鹹芝士，口味幾鮮香，寬條麵具彈性，有少許嚼勁，幾好食。另外，和牛面頰唔係平時炆到散曬果種，香滑而具濃郁牛味，與牛腹肉相似。鹽酥三文魚腩親子丼（$108）：係一款相對健康嘅菜式，以椰菜花粒當作米飯，加上鹽酥三文魚腩塊、三魚魚籽、玉子、青瓜及酸蘿蔔等料，熱量不高。鹽酥三文魚腩非常香酥，頭五分鐘食味道更佳。焙茶麻糬窩夫（$168）：一客共有四件焙茶窩夫，加一大塊麻糬、花生碎及雲呢拿雪糕，份量不少，窩夫為其招牌甜品，外脆內軟，內為鬆軟嘅焙茶夾心，味道香濃。而麻糬質感非常Q彈煙韌，拉力十足！
炸蕃薯條（$68）：厚切蕃薯條非常酥脆，蕃薯味濃郁香甜，可搭配兩款醬汁，分別有日式芥末蛋黃醬、黑松露蛋黃醬、明太子蛋黃醬、和風煙熏辣茄醬。
和風煙熏辣茄汁配慢煮澳洲和牛面頰手工意大利寬麵（$188）：醬汁偏重番茄嘅酸甜，帶非常輕微辣味，加入左蘑菇粒及鹹芝士，口味幾鮮香，寬條麵具彈性，有少許嚼勁，幾好食。另外，和牛面頰唔係平時炆到散曬果種，香滑而具濃郁牛味，與牛腹肉相似。
鹽酥三文魚腩親子丼（$108）：係一款相對健康嘅菜式，以椰菜花粒當作米飯，加上鹽酥三文魚腩塊、三魚魚籽、玉子、青瓜及酸蘿蔔等料，熱量不高。鹽酥三文魚腩非常香酥，頭五分鐘食味道更佳。
焙茶麻糬窩夫（$168）：一客共有四件焙茶窩夫，加一大塊麻糬、花生碎及雲呢拿雪糕，份量不少，窩夫為其招牌甜品，外脆內軟，內為鬆軟嘅焙茶夾心，味道香濃。而麻糬質感非常Q彈煙韌，拉力十足！
张贴
