屋子 (已結業)

💡日式和風Cafe平時經開都有不少人排隊，今日早少少去竟然仲未多人，有位，就即刻去試下。餐廳幾大而且裝修好日系，以白色及木色為主，有種文青小清新感覺，而且仲有榻榻米，啱晒影相，食完仲可以到海傍散散步😍❤️🍽豚肉溫泉蛋沙拉份量都幾多，新鮮的沙律菜配上柚子醋很清新，豚肉肥瘦適中，配搭溫泉蛋汁，好開胃。🍽壽喜燒牛肉定食🐮牛肉有好多，每塊都肥瘦適中及夠薄身，牛味香濃，質感唔柴，壽喜燒湯甜甜地，好易入口。個鍋🍲裡面仲有爽口既芋絲、軟滑既豆腐、冬菇🍄、大蔥同埋鳴門卷，食個陣可以將飯放入湯入面，索曬湯肉，好正😆🍽味噌烤鮭魚定食🐠 鮭魚夠肥美，經過燒過，表皮燒得脆卜卜香口，亦能迫出油香，食落肉質嫩滑，入口軟綿綿。另外旁邊仲有啲青檸，唔夠味道都可以加，可以消除油膩感。🍽焦糖杏仁芭菲開頭以為係用杯裝，黎到先知係好似一個細細cake咁，但食落唔會覺得甜，個底仲有點杏仁脆脆，覺得唔夠味仲可以加蜜糖。🍽黑芝麻豆腐冰牛奶有好香濃的黑芝麻味，滑既牛奶，加埋小顆小顆的豆腐，令到成杯野更加軟滑及淡淡清新既豆香。🍽桂花烏龍奶蓋茶奶蓋好creamy，桂花淡淡清香，兩者配合得好夾。