影片
更多
2021-12-12
89 浏览
好耐冇食放題，朋友話附近有間幾抵食嘅放題，有基本嘅套餐，亦可以選擇加錢食豪啲，豐儉由人。基本嘅套餐二百零蚊，包刺身、壽司、熟食、嘢飲同埋甜品。之前食放題主要都係食刺身，呢度嘅刺身都算多選擇，有齊平時食到嘅刺身。壽司都幾特別，有幾款花之戀唔錯，上面有海膽或者龍蝦沙律，仲有特長海鰻壽司都唔錯。熱食就有好多泰國嘢，例如炸蝦餅、青木瓜沙律、辣椒醬炒蜆。。。後來發現竟然仲有冬陰功湯。個人覺得泰式蝦刺身幾好味，集酸甜辣於一身，好開胃。我哋當然會加$138，可以食埋帶子海膽同生蠔啦😊帶子都幾大隻，包住一大舊海膽，好鮮甜。生蠔相對瘦咗少少，不過都ok嘅。以咁嘅價錢係銅鑼灣都算係唔錯嘅選擇，不過餐廳唔大，要食就建議book定位啦。
好耐冇食放題，朋友話附近有間幾抵食嘅放題，有基本嘅套餐，亦可以選擇加錢食豪啲，豐儉由人。
基本嘅套餐二百零蚊，包刺身、壽司、熟食、嘢飲同埋甜品。之前食放題主要都係食刺身，呢度嘅刺身都算多選擇，有齊平時食到嘅刺身。壽司都幾特別，有幾款花之戀唔錯，上面有海膽或者龍蝦沙律，仲有特長海鰻壽司都唔錯。
熱食就有好多泰國嘢，例如炸蝦餅、青木瓜沙律、辣椒醬炒蜆。。。後來發現竟然仲有冬陰功湯。個人覺得泰式蝦刺身幾好味，集酸甜辣於一身，好開胃。
我哋當然會加$138，可以食埋帶子海膽同生蠔啦😊帶子都幾大隻，包住一大舊海膽，好鮮甜。生蠔相對瘦咗少少，不過都ok嘅。
以咁嘅價錢係銅鑼灣都算係唔錯嘅選擇，不過餐廳唔大，要食就建議book定位啦。
张贴
