秋意 (成業工業大廈)

营业中

休息中

餐廳：秋意 (觀塘)地址：觀塘成業街19-21號成業工業大廈6樓29室踏入秋天，呢排嘅天氣開始下降🍃，見到唔少人開始着長袖衫，唔知你又感唔感受到呢股秋意呢🌬？呢間7月尾先開嘅秋意 @autumn_feeling_kt 位於觀塘成業工業大廈6樓，餐廳改呢個名，都喺想比人有秋天舒舒服服嘅感覺☺️，餐廳嘅門面充滿日本氣息🇯🇵，唔知佢哋又係食咩㗎呢？餐廳打主中式菜，用上日式嘅便當包裝🍱，比人有一種中日融合嘅感覺，餐廳嘅內牆仲有唔少帶有秋天氣息嘅畫作，幾有意思👍✝️招牌去骨口水雞 $60口水雞嘅辣醬油分開另上，方便食客按食辣嘅唔同程度去淋喺雞上面，雞件上面仲有葱花、芝麻同花生碎🥜，食落就更加香口😋，辣油辣中帶香、香中帶麻，確實唔錯😚，不過食落就有啲骨喎🤣，講好嘅去骨口水雞呢？好在雞件都算嫩口，配埋濃郁嘅湯麵一齊食就啱晒🍜✝️紅酒雜菜豬軟骨 $65豬軟骨相當軟滑，食落腍身，軟骨位略為爽口，餐廳自製嘅紅酒汁酸甜開胃🍷，另外仲有一隻糖心蛋同少少麻醬沙律🥗，加$5配咗個乾撈低糖蒟蒻麵，食落幾惹味，不過就有少少油膩🤏另外加$8可以換枝冷泡茶特飲🧊，要咗個陳皮普洱茶同白桃烏龍茶，仲有秋意水果茶同鴛鴦檸檬茶比你揀。