一汁一菜 (中環街市) (已結業)

作為一個OL食lunch要飽肚又要唔肥又要營養豐富，都唔係咁容易搵到啱嘅選擇🤣🤣中環街市自從開幕之後有條食街，進駐咗唔同類型嘅外賣食肆，其中一間就係主打日式便當嘅一汁一菜，另外係觀塘、旺角、尖沙咀同銅鑼灣都有分店，啱晒上班一族😏佢哋嘅套餐有湯、一品料理、飯／麵包／沙律，每款湯都係好足料，夠晒飽肚🤰🏻另外仲有日式咖喱飯添。$69起一個套餐，係中環嚟講價錢都幾合理！今次我就試咗兩款湯+一品料理嘅套餐。花菜巴馬火腿濃湯西蘭花濃湯好creamy，而且無草青味👍🏻入面有超多大大粒又粉嘅薯仔粒，勁飽肚，仲有巴馬火腿增添鹹香感覺，幾好飲😋法式龍蝦濃湯食西餐我都好鍾意飲龍蝦湯🥳🥳呢度嘅龍蝦湯質感好rich，海鮮味勁濃郁，仲會食到啲幾彈牙嘅龍蝦粒😛番茄菠菜芝士雞肉卷雞肉配菠菜芝士，啖啖肉，配番茄醬酸酸甜甜幾唔錯😗油揚豆腐黑豚薑汁燒黑豚肉無乜肥膏但肉質唔會乾柴，有唔少洋蔥等，調味唔會太重，感覺幾健康。人均消費：$75推介指數（10分為滿分）：8分