東京築地拉麵 (已結業)

接完老公放工，就順便係公司附近食野，見呢間日本野平時都幾多人去食，所以都趁早唔使排隊去食。先黎一個地獄麵，可能我太食得辣，所以唔覺得好地獄，不過老公就話辣到食唔到，要交換我個冷麵。其實呢個地獄拉麵唔差，個麵底軟硬適中，又無糊埋一Pat，加上個湯唔膩，我覺得都唔錯。超新潮冷麵，上面有好多青檸，所以入口酸酸地，亦有少少澀，不過襯落鹹味湯底同冷烏冬又意外地夾，值得一試，最後點多個雞翼，入面包左飯，所以睇落脹卜卜，都算燒得外脆內軟，又唔會好油膩，不過不失啦。