重光弁当 (已結業)

餐廳位於一個較為舊式少少嘅商場，但好易搵到。堂食嘅話要先到05鋪order嘢食同要俾錢先，之後就去07鋪自己搵位坐，嘢食職員會送嚟。當日去正值中午時分，堂食位置區域好似冇開冷氣咁，加上啲嘢食熱辣辣，邊食邊出汗。食完出返去商場區域，發現仲涼快啲🤣🤣🤣▪️親子丼 $63上層係有半煎炒滑蛋配雞肉，下層就係用北海道米煮嘅飯。滑蛋出色，蛋白部分滑溜，而蛋黃部分啱啱熟，呈溏心質地。雞肉呈條狀，有啲乾，唔夠嫩滑🫣🫣🫣啲飯粒粒分明，有嚼口彈牙。▪️滑蛋吉列豬扒丼 $78滑蛋仍然食到蛋白滑溜，蛋黃溏心嘅口感。豬扒唔韌，但偏乾，吉列外層可能俾滑蛋蓋過，唔脆啦⋯⋯米飯質地同上🤣🤣🤣▪️滑蛋鰻魚丼 $98滑蛋同上，鰻魚淋，配上滑蛋，口感更加滑溜，好夾👍🏻👍🏻👍🏻但醬汁較少。