樂酒場 がくさかば

营业中

休息中

朋友一直都話尖沙咀個邊有間好古風既日式屋酒屋，今日終於有機會跟朋友黎試下，一行到入黎呢間樂酒場已經覺得好似去左日本一樣，佢既裝修好古典，全木系真係好日本傳統feel。我地簡左坐地墊個廳，感覺更得意。朋友發板，佢首先就叫左個京都味噌青瓜。 開頭都唔知係咩，黎到竟然係青瓜，仲要用火槍燒過既味噌醬，果然好特別。 用青瓜點黎食，青瓜既清爽配味噌味真係好新鮮好好味，唔會好咸，仲好鮮味。然後係海膽杯，佢既賣相已好特別，拎開個杯，三文魚杍同醬即刻倒晒係海膽度，超大杯，而食落海膽既鮮味依然突出。好值得食既蟹味噌甲羅燒，好濃味，用薄餅配埋青瓜絲又係另一番風味，即刻食慾大增。仲有係我最愛既明太子醬厚燒玉子，真係好厚既玉子卷住超多明太子, 師傅既技術真係好犀利。而佢既汁燒蒜片牛柳粒好大粒，又煮得剛剛好，唔會過熟。然後仲有佢既醬燒飯糰同自製鹽檸檬highball都好正。 朋友果然冇介紹錯 。