XOXO Café Lab (已結業)

放完佛誕假，工作真係接踵而來，放工都已經好攰，所以想在屋企附近食一餐既簡單又坐得舒服的餐廳醫肚。其實間唔中都會來呢間餐廳，其中一個原因係因為好喜歡餐廳的藍色主調，讓人感覺好放鬆。醬烤宮崎黑毛豚肉上次食過 韓燒肉汁烤牛肋骨，所以今次就點 醬烤宮崎黑毛豚肉。其實豚肉真係煮得好腍身，紋理好清晰，所以係好容易咬開的，加上個汁好惹味，滲入咗响豚肉入面真係好開胃，配埋隔離碗飯真係好夾。鐵板芝士燒牛肋骨上枱時，職員不忘的提醒我們小心隻碟好熱。一夾起牛肋骨，然後 "了" 一點芝士一齊食，拉出一條長長的芝士絲。牛的肉味很濃烈，而芝士是帶少少甜味。食的時候牛的香味好像中和了芝士的膩，而芝士增强了牛肋骨的香滑，所以配合一齊食味道好夾，完全唔會互搶。