影片
更多
2010-11-01
16 浏览
飯局一堆堆，每時要諗食咩真係都幾頭痛，是日又一個飯局，前一日都仲未訂位，朋友只係叫我搞掂佢.... 咁我一上openrice就見到呢間野彈出黎，咁我就諗都無諗就決定左呢間啦。前一日打去訂星期六晚上都有位，我地準時到達店方已一早留左張六人檯俾我地。呢度環境都ok，不過覺得位同位之間都幾迫下，距離有d近，成日聽到身邊既人講野。我地五個人決議一人係menu度揀一樣自己想叫既野，首先揀左牛腸窩，因為見好似幾出名的，店員話有幾隻湯底揀，我就要左師傅推介既鹽味湯底。佢一定要叫二人份量的，份量都唔算太少，另外仲好似打邊爐咁可以追其他食物的。牛腸食落好香，內裡脂肪入口即溶，不過佢都幾靱，但都未至於難咀嚼的。另外仲有配料筍絲，韭菜等等，加埋鮮味既鹽味湯底，味道惹味幾好食的。因為無叫飯個d所以我地就加左個珍寶麵，另外仲有黑豚肉同埋雞脾肉，好似打邊爐咁。珍寶麵即係好似拉麵咁，無咩特別。黑豚肉得幾片但又幾好食，咬落脂肪分佈平均而且又夠鮮味。至於雞脾肉就麻麻地啦，肉質唔嫩，仲幾靱下添。串燒我地就叫左蔥花牛舌同埋什錦串燒，什錦串燒係師傅決定燒咩的，不過個人覺得牛舌就好食，什錦串燒就好似麻麻。牛舌燒得好香口，又唔會
飯局一堆堆，每時要諗食咩真係都幾頭痛，是日又一個飯局，前一日都仲未訂位，朋友只係叫我搞掂佢.... 咁我一上openrice就見到呢間野彈出黎，咁我就諗都無諗就決定左呢間啦。
前一日打去訂星期六晚上都有位，我地準時到達店方已一早留左張六人檯俾我地。呢度環境都ok，不過覺得位同位之間都幾迫下，距離有d近，成日聽到身邊既人講野。
我地五個人決議一人係menu度揀一樣自己想叫既野，首先揀左牛腸窩，因為見好似幾出名的，店員話有幾隻湯底揀，我就要左師傅推介既鹽味湯底。佢一定要叫二人份量的，份量都唔算太少，另外仲好似打邊爐咁可以追其他食物的。牛腸食落好香，內裡脂肪入口即溶，不過佢都幾靱，但都未至於難咀嚼的。另外仲有配料筍絲，韭菜等等，加埋鮮味既鹽味湯底，味道惹味幾好食的。
因為無叫飯個d所以我地就加左個珍寶麵，另外仲有黑豚肉同埋雞脾肉，好似打邊爐咁。珍寶麵即係好似拉麵咁，無咩特別。黑豚肉得幾片但又幾好食，咬落脂肪分佈平均而且又夠鮮味。至於雞脾肉就麻麻地啦，肉質唔嫩，仲幾靱下添。
串燒我地就叫左蔥花牛舌同埋什錦串燒，什錦串燒係師傅決定燒咩的，不過個人覺得牛舌就好食，什錦串燒就好似麻麻。牛舌燒得好香口，又唔會太靱，加埋少少蔥花一齊食好食喎~ 什錦串燒唔知係咪擺得耐左，食既時候已經有dd凍... 嗯... 無咩邊隻印象深刻覺得特別好食，我覺得帆立貝幾難食添，凍哂(可能係我地既錯)又無咩味，一d鮮味都無，其他就都係一般啦。
另外小食叫左黑胡椒雞翼，吉列蠔同埋明太子蛋卷，呢 3 樣我都覺得好食，睇黎都係呢d比較擅長d! 黑胡椒雞翼望落其貌不揚，不過食落好味，一d都唔辣，黑胡椒超香口惹味，表面有少少脆脆的，內裡肉質都算嫩滑，好味。吉列蠔都唔錯，炸粉唔會太厚而且感覺唔油膩，而且蠔仲幾鮮味添。最後明太子蛋卷都好味，食落有蛋香，中間明太子份量幾多，帶有少少辣味，味道同蛋卷好夾。
最後由於有朋友唔舒服，好多野都唔食得，所以就叫左個熱辣辣的豬骨拉麵俾佢食，起碼飽肚食落又舒服D。我試左少少，湯底都幾濃味，不過味道不是特別出色，普普通通啦。
是晚我地係度坐左兩個幾小時，店員都好好又幫我地影相服務都OK，價錢都唔算太貴，可以黎一吃的。
张贴
