影片
更多
2023-07-22
19 浏览
-旅鍋火鍋私房菜專門店-@尖沙咀.打風特別想打邊爐，落左8號風波後同寶寶去尖沙咀打邊爐。之前朋友介紹哩間旅鍋火鍋，以旅遊為裝修主題，仲有幾間唔同旅行主題的VIP房。.餐廳係尖東漆咸道南嘉芙中心的地庫，門口唔算顯眼。一落樓梯便看到以機場為主題的門口。.由湯底到配料都好高質，而且份量都好夠。湯底好濃郁，配料又新鮮，就算調左醬油都好少用到。.餐前小食 ($20)初初以為係萵苣，原來係涼拌貢菜，辣辣地帶蒜香，好爽口又開胃，會忍唔住係咁食。.環球鴛鴦鍋 ($108)鴛鴦鍋係麻辣同羊肚菌湯底，2款都好香濃。麻辣鍋有大大片的辣油同埋滿滿花椒，唔會死辣，亦都唔會麻到令人食唔出味道，麻同辣的平衡很好，仲有濃郁的香料味。.羊肚菌湯料好豐富，大大件羊肚菌，好夠味，就咁當湯飲都得。.新鮮牛坑腩(原價$148) ($74)淨係牛肉的選擇已經超過10款，仲要做緊半會優惠。.厚切的牛坑腩，脂肪唔算好多，以為質地會比較老，但咬落好軟身，而且香濃牛味。就算係脂肪部份都唔會太油膩。.伊比利亞黑毛豬肋條 ($148)西班牙的黑毛豬肋條，脂肪比例較多，但食落一點都唔油膩。質地似豬頸肉，口感結實，比一般豬肉更香。.新鮮南非鮑魚
-旅鍋火鍋私房菜專門店-@尖沙咀
.
打風特別想打邊爐，落左8號風波後同寶寶去尖沙咀打邊爐。之前朋友介紹哩間旅鍋火鍋，以旅遊為裝修主題，仲有幾間唔同旅行主題的VIP房。
.
餐廳係尖東漆咸道南嘉芙中心的地庫，門口唔算顯眼。一落樓梯便看到以機場為主題的門口。
.
由湯底到配料都好高質，而且份量都好夠。湯底好濃郁，配料又新鮮，就算調左醬油都好少用到。
.
餐前小食 ($20)
初初以為係萵苣，原來係涼拌貢菜，辣辣地帶蒜香，好爽口又開胃，會忍唔住係咁食。
.
環球鴛鴦鍋 ($108)鴛鴦鍋係麻辣同羊肚菌湯底，2款都好香濃。麻辣鍋有大大片的辣油同埋滿滿花椒，唔會死辣，亦都唔會麻到令人食唔出味道，麻同辣的平衡很好，仲有濃郁的香料味。
.
羊肚菌湯料好豐富，大大件羊肚菌，好夠味，就咁當湯飲都得。
.
新鮮牛坑腩(原價$148) ($74)
淨係牛肉的選擇已經超過10款，仲要做緊半會優惠。.
厚切的牛坑腩，脂肪唔算好多，以為質地會比較老，但咬落好軟身，而且香濃牛味。就算係脂肪部份都唔會太油膩。.
伊比利亞黑毛豬肋條 ($148)
西班牙的黑毛豬肋條，脂肪比例較多，但食落一點都唔油膩。質地似豬頸肉，口感結實，比一般豬肉更香。
.
新鮮南非鮑魚($116)加拿大鴛鴦雙蚌 ($168)
海鮮都好新鮮，唔洗沾任何調味都好好味。
.
鮑魚Size普通，淥5分鐘左右就食得，肉質軟嫩而唔韌。
.
珊瑚蚌同珍珠蚌都好厚身，好鮮甜。.
風塵三俠 ($158)墨魚滑、鮮蝦滑同雞滑，食得出用料新鮮。墨魚滑、鮮蝦滑都好彈牙。
.
厚切油炸鬼 ($28)超級推介，粗身的油炸鬼本身已經有夠味，香脆金黃的外層，稍稍浸軟就食得。不過個人鍾意浸到較軟身，咬落香脆帶點煙韌。$28有4大件，好抵食。
.
蜂巢豆腐 ($38) 以為係方形細細粒的蜂巢豆腐，原來係厚身大片的款式。大片款可以吸收更多湯汁，厚身的口感更佳。
.
台灣水蓮 ($48)比較少火鍋店會有水蓮，哩度份量都不少。台灣水蓮只需稍稍淥下就食得，清新爽脆。
.
张贴
