影片
更多
2023-03-05
377 浏览
一直以嚟如果想去食西餐，第一時間都會搵港島區地段優先。九龍區頂盡都係去尖沙咀。Base呢個名喺尖沙咀都頗有名氣，今次嚟到旺角開新鋪以cafe加西餐做主題，晏晝2-6pm 係cafe, 一入夜就搖身一變做高級西餐廳。餐廳以暗紫色做主題，感覺cyber 中又帶點貴氣。水牛芝士波蕃茄沙律Starter 沙律，黑醋加Olive Oil 食得夠哂Light, 水牛芝士波波份量剛好不會太膩。沙律菜新鮮夠fresh。有加Parma Ham 值得加分。三文魚他他超夢幻嘅presentation, 喺大貝殼入面放滿三文魚他他，乾冰霧氣緩緩散發有如仙境一樣，打卡滿分！三文魚肥美多油，配製嘅白汁creamy中帶有微酸口感，開胃感十足。基地雞鎚送酒一流嘅餐前小食，水牛城醬汁微酸中帶辣。雞鎚肉質口感偏乾身，食到停唔到口。玻璃紙焗比目魚紙包魚就食得多，玻璃紙焗魚好少見。比目魚焗完肉質非常滑，蕃茄檸檬再加Rosemarry嘅味道好無違和感。湯汁Creamy中帶少少酸味，後勁有住鮮甜嘅魚肉香。荔枝木煙燻M8牛腹肉出哂煙嘅M8和牛腹肉！經荔枝木燻完過後，牛肉嘅香味層次升哂level。餐廳推薦Medium 肉質口感最為適
一直以嚟如果想去食西餐，第一時間都會搵港島區地段優先。九龍區頂盡都係去尖沙咀。
Base呢個名喺尖沙咀都頗有名氣，今次嚟到旺角開新鋪以cafe加西餐做主題，晏晝2-6pm 係cafe, 一入夜就搖身一變做高級西餐廳。
餐廳以暗紫色做主題，感覺cyber 中又帶點貴氣。
水牛芝士波蕃茄沙律
Starter 沙律，黑醋加Olive Oil 食得夠哂Light, 水牛芝士波波份量剛好不會太膩。沙律菜新鮮夠fresh。有加Parma Ham 值得加分。
三文魚他他
超夢幻嘅presentation, 喺大貝殼入面放滿三文魚他他，乾冰霧氣緩緩散發有如仙境一樣，打卡滿分！三文魚肥美多油，配製嘅白汁creamy中帶有微酸口感，開胃感十足。
基地雞鎚送酒一流嘅餐前小食，水牛城醬汁微酸中帶辣。雞鎚肉質口感偏乾身，食到停唔到口。
玻璃紙焗比目魚
紙包魚就食得多，玻璃紙焗魚好少見。比目魚焗完肉質非常滑，蕃茄檸檬再加Rosemarry嘅味道好無違和感。湯汁Creamy中帶少少酸味，後勁有住鮮甜嘅魚肉香。
荔枝木煙燻M8牛腹肉
出哂煙嘅M8和牛腹肉！經荔枝木燻完過後，牛肉嘅香味層次升哂level。餐廳推薦Medium 肉質口感最為適合。牛腹肉本身脂肪分佈較少，每啖嘅肉味口感偏濃。Grill 香嘅肉味同木味一拍即合，味道層層遞進。
Banana Mocha
餐感 Cafe section 嘅主打咖啡。香蕉味香濃而且唔會太甜，口感厚滑得嚟唔會覺得膩。拉花手工好好。
Marvellous Base
以Whisky 同咖啡做主題嘅一杯Cocktail。味道有少少燈香以及酸味，酒味強烈濃味。
Lucky Pie
以甜品作為靈感嘅一杯creamy cocktail。香濃嘅肉桂味甜中帶辣勁，有如食緊肉桂卷嘅口感。
张贴
