紅豆餐室

营业中

休息中

少有哋一早去鑽石山，轉車前係附近快快趣食個早餐先，地鐵A2出口一出，入啟鑽商場即刻見到。醒神早餐B（$42）秘製沙爹牛肉公仔麵，沙爹味一般，香濃味唔算好重。牛肉約有五片，正常梳打牛唔韌。公仔麵合格，淥得剛好唔淋。牛油厚多士，已飛邊，香脆度麻麻。火腿奄列，炒蛋唔老仍有少少蛋汁，火腿絲份量適中。紅豆冰（+$3），紅豆唔算好淋，未起沙。早晨包餐：自選雙拼三文治（$35）咸牛肉+雞蛋三文治，咸牛蛋夠厚身，份量適中。熱奶茶，茶味可以，口感亦算滑，合格以上。