紅豆餐室

营业中

休息中

揾食肥華知道此店嘅下午茶特價時段，有多款碟頭飯餐供應，所以在2O25年6月18日肥華約定靚媽，放工後到此店食下午茶當為晚餐。肥華今餐點咗個，枝竹火腩飯加一杯餐飲熱華田，靚媽就柯打咗一兩客豉汁涼瓜牛肉飯，餐飯係熱檸水。肥華認為此店今日呢兩個下午茶飯餐質素，可以講祇係一般兩餸飯水準，講好食冇佢份，話難食又唔到佢，不過呢餐肥華靚媽，係以長者身份光顧此店，所以有九折優惠以咁嘅價錢，可以坐得舒服又嘆埋一杯餐飲，兼有人服務呢餐值。👍🏻👍🏻👍🏻

叫外賣 好似 唔想做咁問佢有咩晚餐， 佢答無轉。 係都唔肯講有咩餐。又講有特餐 常餐。 好似欠左佢咁款。 態度 不良。你唔係預期我地叫外賣 係知道係地餐牌有D咩？要背你地公司既產品？/

其實日日返工都會行過呢個商場，都一定會經過呢間茶餐廳，曾經試過一次同埋同事諗住嚟食早餐，入咗去發現啲嘢唔係好啱食就返出嚟。今日喺門口見到佢哋有蒸飯，我鍾意食蒸飯，因為感覺好似健康啲，同事話入去試吓佢哋嘅午餐。我叫咗蟲草花蒸雞午市套餐，有個例湯同埋有杯嘢飲，我要咗熱檸水，同事叫做好邪惡嘅回鍋肉。啱啱呢段時間做緊優惠，叫兩個午市套餐就會送一碟菜。啲雞味道okay啦，雞肉質感一般，回鍋肉味道較濃，睇相都見到好多油。不過午餐嘅份量就真係幾足。餐廳裝修冇乜特別，唔知係咪俾咗錢佢哋做廣告，牆上面嗰啲poster全部都係同某個牌子嘅罐頭湯有關。😅

和小朋友上完興趣班在附近吃晚餐。 看到此茶餐廳有幾個人等位，餐牌也正正常常， 就進去試一下。點了乾炒牛河和焗肉醬意粉。被乾炒牛河的賣相嚇一跳，河粉痴埋一齊，好似不夠油炒咁，明明吃下去都覺得很油膩，還能吃到炒焦的味道。牛肉質素差過佳寶買的肥牛。焗意粉的意粉很霖身，似是煮了很久擺了很久。味道平平無奇。送的例湯算是成餐飯最好味的。服務態度不算差。但餐廳衛生有待改進，座位下面有紙巾和食物，餐具有跡洗不乾淨。總結：一定不會再光顧此茶餐廳。

-（早餐）牛油多士、炒雙蛋、沙嗲牛肉公仔麵早餐11:30前供應- （全日早餐）牛油多士、炒滑蛋、煙肉、茄汁蛋、雜果沙律、司華力腸全日早餐11:30後供應賣相吸引多士外脆內軟，非常驚喜司華力腸唔會好鹹咖啡雖然唔係即磨，但唔會太苦

可能太好生意，外賣在門外等候25分鐘都未見我的外賣，入內催促，解釋係好多堂食單，問佢重要等幾耐，佢只回應"答你唔到" 。最終我話外賣唔要，退錢係最快。如果咁忙咁好生意做唔切，就唔好做外賣生意啦。完全係趕客，唔會再幫襯。

可能他們對菜單不熟悉，價格搞錯。排的座位也很有問題。服務如圖還不錯。但是服務質量基本不會再來下一次。因為公司就在附近，所以經過這裡來吃飯。相比附近幾家餐廳，這家的服務屬於偏下。

紅豆餐廳一到地鐵站A2出口直入商場門口就係地理位置十分方便餐廳都多人食由於趕時間冇考慮咁多就直接入去食早餐餐牌選擇唔算多價錢範圍大概$44左右香煎魚柳，火腿奄列，牛油多士，沙律，茄汁豆份量都唔會偏細 魚柳好大塊炸皮唔會好厚 熱辣辣新鮮整好 魚肉都好食喜歡食魚柳做早餐，值得一試一份就轉做煎雞扒，其他餸就一樣嘅可以唔要奄列轉做腸仔煎蛋等等煎雞扒同平時出面嘅口感煮法都唔同呢塊雞扒比較香口唔算好細塊醬汁係平時焗豬扒嘅蕃茄汁味火腿奄列內餡好多火腿蛋蛋就煎得比較熟，冇我想像中好食嗰種滑滑質感十分普通

碟嘢一到，我有少少嚇親，第一啲燒肉好明顯係亂砍同搭到一堆山，第二，多左兩塊叉燒，好似廚餘，我同侍應講，佢答我可能因為唔夠燒肉，所以俾叉燒我，一係比多幾舊叉燒我。結果，我就食左白飯+咸蛋+2塊叉燒=$61

之前呢叫外賣成日都會叫呢一間早餐食嘅，因為呢個早餐真係幾出色，最近返屋企嘅時候夜晚諗唔到食咩就決定都試吓呢一間茶餐廳，估唔到都幾出色喎第一啦佢呢一個茶餐廳呢有好多唔同嘅款式可以揀啦，我想講我係有選擇困難症，最終呢揀咗自己最鍾意食嘅米線，佢呢係有一個系列呢係米線嘅，佢有唔同嘅款式嘅湯底啦，我自己呢就揀咗麻辣湯底少少辣，另外呢有兩個category嘅餸可以揀咁，我自己就揀咗雞翼同埋午餐肉，估唔到呢個湯底都幾出色，但係略嫌呢都係有啲辣，下次呢會再揀少辣嘅

最近叫外賣呢都見到呢一間茶餐廳，於是呢就叫外賣啦叫個早餐嚟食吓，佢嘅選擇呢同平時嘅茶餐廳都差唔多嘅，都係一啲沙嗲牛肉啊雪菜肉絲啊等等都多選擇嘅。今次呢選擇咗沙嗲牛肉米線，都好surprise因為好少茶餐廳會有米線呢一個選擇，而佢嘅質地呢都係非常之可以接受嘅範圍，唔會話太硬啦，亦都唔會話太腍嘅，保持到米線應有嘅質感，而佢嘅沙嗲呢係非常之入味，亦都好多醬，令到加埋落成個面度呢係好夠味嘅，配料方面呢就揀咗太陽蛋同埋午餐肉啦，兩個都非常之出色嘅

今日幫襯呢間餐室，叫左個時菜肉片飯，結果拿到來發覺好多黑色啲嘢，我同樓面黑色衣服男的（應該係經理）反應，佢回應我可能係鑊屎，後來勉強話換一個比我，之後我等左成半個鐘頭都未出，等我追單的時候，樓面經理同我講廚房洗緊鑊，啲態度非常惡劣我都怕左啦，費事比人整蠱，最後都係轉左個沙爹牛肉蛋面穩陣啲，以後絕對不會再來幫襯。

原本諗住簡單食個早餐就返工，叫左個菠蘿油、熱齋啡，結果個菠蘿油啲皮係淋既！好似蒸過個包咁，淋晒！第一次食咁既菠蘿包，睇到都無晒食慾！同員工反應，佢地竟然話佢地啲菠蘿包係咁，無得換。極度無奈！最後我都係堅持唔食，錢照俾！其實附近有好多餐廳，諗住都係簡單食，隨便一間都係一樣，結果原來越簡單既野，都會中招。

紅豆餐室，位於鑽石山彩虹道235號啟鑽商場地下G01號舖。 星期六中午用餐超級多人， 所以都要以搭枱形式。午餐📌 ～ 鮮茄焗豬扒飯+茶走$61、茶走$21。 鮮茄焗豬扒飯味道正常發揮， 豬扒份量偏少， 反而豬骨好大舊。 茶走非常淡味， 完全飲唔到煉奶味🥲， 欠缺了靈魂所在。 整體味道普通， 款式唔算多選擇。🏷️溫馨提示～ 整個用餐體驗均屬個人分享意見， 只作參考😊。     紅豆餐室地址: 鑽石山彩虹道235號啟鑽商場地下G01號舖

燶味炒河？入到去見佢d卡位全部寫留座！就問店員有冇位啦？店員就指一指坐嗰度囉！態度麻麻…咁叫野食啦，價錢茶記黎講算貴！但都唔緊要，最後叫左個炒肉片河睇落已經覺得唔對路，顏色好深！聞落仲有d燶味！之後食落唔係炒燶左，係本身d油燶…即係估計咩炒野都會有呢個燶味……呢個價錢，呢個服務，呢個味道…比個負評…一路食都諗，間餐廳有冇野係做得好呢？結論係完全冇囉如果真係要搵佢好既野，只能夠這佢門面做得好！餐牌做得好靚！同埋有多樣收款方式！同埋其實好多人幫襯！大慨係因為好似冇乜選擇！同埋啟鑽苑新入伙,大家收左屋或跟裝修就落去食吧！