堅信號上海生煎皇 (形點 II)

返工前食個快飯，坐低到上菜唔駛10分鐘，岩曬趕時間既人！

午餐可以揀前菜主菜飲品。我就揀左招牌生煎包，煎到一面脆卜卜。雖然個包比淨係做外賣既鋪頭細隻左，但依然係爆汁！而且感覺無咁油膩。
豬排味道同叉燒差唔多，表面搽咗蜜糖~質地呢就比較硬難咬開啦。菜飯有陣豬油味，菜既份量唔多。加埋暖豆漿，簡單又舒服既一餐。