越華會海鮮館 (已結業)

以前成日去筲箕灣越華會食飯，必叫個芝士斑塊同埋燒汁牛柳條，今次同朋友星期日喺銅鑼灣食飯就一於食呢間懷緬下！不過朋友唔係好鍾意食芝士就試咗個牛柳條先啦！味道都有以前嘅八成水準，係鹹咗少少可能今日太多人嘅關係，食物質素比以前感覺有多少下降，油鹽水蜆胡椒味道夠蜆肉冇沙，最正係啲粉絲索曬啲胡椒香味😋西蘭花炒蝦球正正常常，炸鮮魷就爭少少好似擺得耐咗咁，上檯都已經淋淋哋，唔知係咪炸完冇人攞出嚟嘅關係😅蟶子皇都鮮甜不過個豉椒醬味道麻麻地，另外比較差嘅就係嗰個蒸元貝！蒸到過咗火硬到不堪😕炒麵都還可以啦但食半碗就夠啦，因為上菜好慢食下等下結果炒麵黎到都飽哂