影片
更多
2016-07-21
1001 浏览
年前曾經於午餐時段幫襯過中環的Espuma，感覺極好。雖然尖沙咀Espuma各項水準都差少少，但今次為朋友慶祝生日，決定再來幫襯，食下港式西班牙菜。其實訂台時已略感不妙：「你地會準時6:30到架呵？！你地要8:00交枱喎！？」嘩，個陣盤問犯人既mean「除」真係電話都擋唔住。不過人家要交租，做兩場生意好正常我地都無乜野。但係呢，嘩__，一坐低 d 待應已經將趕客力場開啟至600%，其實我地都一早預左食完去第二度再飲野。呀待應呢，其實就真係唔需要黑起塊面一而再，再而三、三而四地「提醒」我地要交枱既，真係可以等我地下左嚥先囉。然後都無乜野既，上野食粗魯d囉，收碟似美式足球者，叫埋單好似你爭佢錢咁！食餐飯都係想簡單開心者，大家都是搵食的，不能令大家開心點嗎？海鮮飯麻麻，吞拿魚卷OK，沙律正常，薯條美味，鵝肝意粉亦美味，dum dum（心心）窩夫都不錯。事實價錢亦唔貴，不過受左待應d面色（大哥大姐，我地都無話唔交枱，你地而家做乜jack？）食物再美味，若服務是屎，客人品嚐到的，都只是沒有靈魂的口舌刺激，不會吃得快樂。又平常而論，提醒客人交枱係香港地真係十分之合理（香港地產商 = 政府），但大方
其實訂台時已略感不妙：「你地會準時6:30到架呵？！你地要8:00交枱喎！？」嘩，個陣盤問犯人既mean「除」真係電話都擋唔住。不過人家要交租，做兩場生意好正常我地都無乜野。
但係呢，嘩__，一坐低 d 待應已經將趕客力場開啟至600%，其實我地都一早預左食完去第二度再飲野。呀待應呢，其實就真係唔需要黑起塊面一而再，再而三、三而四地「提醒」我地要交枱既，真係可以等我地下左嚥先囉。然後都無乜野既，上野食粗魯d囉，收碟似美式足球者，叫埋單好似你爭佢錢咁！食餐飯都係想簡單開心者，大家都是搵食的，不能令大家開心點嗎？
海鮮飯麻麻，吞拿魚卷OK，沙律正常，薯條美味，鵝肝意粉亦美味，dum dum（心心）窩夫都不錯。事實價錢亦唔貴，不過受左待應d面色（大哥大姐，我地都無話唔交枱，你地而家做乜jack？）食物再美味，若服務是屎，客人品嚐到的，都只是沒有靈魂的口舌刺激，不會吃得快樂。
又平常而論，提醒客人交枱係香港地真係十分之合理（香港地產商 = 政府），但大方d得唔得架？你由個心寫到出面唔尊重客人，其實亦唔尊重你廚房入面用心烹調的廚師。或者我地有點吹毛求疵啦！若果閣下完全禮貌或服務無乜要求既，咁其實呢間餐廳係食得過的。
张贴