影片
更多
2021-09-26
1440 浏览
Caprice系米芝莲三星法国菜，今年亦成为亚洲50最佳餐厅第28名，所以都算几难订既，我提早左三个月订先得。餐厅会隔一段时间就转餐牌，我今次食既系8月份最新既餐牌，但比起我半年前食果次，好多野食都少左惊喜😭😭Five Courses Lunch Set (Appetiser+Soup+Fish+Meat+Dessert) ($995)Bread一开始waiter会介绍menu既菜式，然后比左4款面包我地简，我就试左3款，芝麻包芝麻香味突出，酥脆，入面同牛角包几接近，紫菜包口感软熟，略带盐味，仲有个黑麦包我就觉得偏硬，味道比较普通。每样面包都上既时候都热，系几高质既餐前面包，食完面包留左好多面包碎系台面，waiter会好细心咁清理哂👍🏻Amuse Bouche海鲜他他表面既泡泡系青柠味不过更加复杂，有小小似冬阴公味，下面系由生蚝、蓝虾、蚬同蔬菜整成既他他，生蚝新鲜重海水味，蓝虾鲜甜肉质紧致，同泡泡配搭得好好，好出色既开胃菜😝Appetiser鸭肝冻伴粟米炖蛋及大黄根卖相好靓，上面果层系粟米冻，下面系鸭肝冻，个鸭肝超好食😍肝脏味好浓烈，质感幼滑，上层甜粟米中和返鸭肝既油腻，面头既粟米、爆
Five Courses Lunch Set (Appetiser+Soup+Fish+Meat+Dessert) ($995)
Bread
一开始waiter会介绍menu既菜式，然后比左4款面包我地简，我就试左3款，芝麻包芝麻香味突出，酥脆，入面同牛角包几接近，紫菜包口感软熟，略带盐味，仲有个黑麦包我就觉得偏硬，味道比较普通。每样面包都上既时候都热，系几高质既餐前面包，食完面包留左好多面包碎系台面，waiter会好细心咁清理哂👍🏻
28 浏览
1 赞好
0 留言
Amuse Bouche
海鲜他他
表面既泡泡系青柠味不过更加复杂，有小小似冬阴公味，下面系由生蚝、蓝虾、蚬同蔬菜整成既他他，生蚝新鲜重海水味，蓝虾鲜甜肉质紧致，同泡泡配搭得好好，好出色既开胃菜😝
16 浏览
0 赞好
0 留言
Appetiser
鸭肝冻伴粟米炖蛋及大黄根
卖相好靓，上面果层系粟米冻，下面系鸭肝冻，个鸭肝超好食😍肝脏味好浓烈，质感幼滑，上层甜粟米中和返鸭肝既油腻，面头既粟米、爆谷同大黄根都令每啖有更多变化，系全餐饭最好食😋
21 浏览
0 赞好
0 留言
特色番茄配水牛奶芝士
芝士奶味浓郁，入口幼滑，好出色，表面既蕃茄亦鲜甜，但中间既蕃茄蓉系破坏晒成道菜😓蕃茄蓉系超咸，咸到基本上同直接食茄膏冇分别，分量又多，连芝士一齐食好小小，但咁就会完全食唔到芝士既奶香，所以我要系咁食朋友个鸭肝先食得哂个蕃茄蓉🙈
12 浏览
0 赞好
0 留言
Soup
粟米冻汤伴烟熏鳗鱼及柠檬
粟米汤同中间粟米外型既粟米冻都系好清甜，但两者既味道太接近，纯粹系由顺滑既口感变做有咬口既奶冻，味道上真系冇咩变化😓好彩下面既烟熏鳗鱼几出色，令个汤冇咁闷。如果上一样菜简左粟米鸭肝，就会觉得味道重覆左😓
12 浏览
0 赞好
0 留言
特式海龙皇汤伴海鲜及柠檬配甜椒酱
上次饮呢个汤系超鲜甜，绝对系我饮过最好饮既海鲜汤，但今次就完全变左另一个汤🙈我有两个朋友都系饮呢个汤，两个都话觉得超咸，我饮落觉得个浓度最少系上次既两倍😓之后佢地都要加水沟稀个汤先饮到🙈红衫鱼肉鲜甜嫩滑，其他配菜都好食，系汤个浓度出哂事
11 浏览
0 赞好
0 留言
Fish
法式鱼肉慕丝伴海鲜配香槟汁
鱼肉慕丝质感松软，但真系唔觉有咩鲜甜味，香槟汁几浓牛油忌廉味，咸中带鲜，连慕丝一齐食几好。隔离果粒菠菜好特别，入面包著由火腿、菇同忌廉汁整成既馅，同菠菜好夹😋
15 浏览
0 赞好
0 留言
时令鲜鱼伴蜜桃、意大利青瓜蓉及火箭菜配白酒汁
今次既鱼系魔鬼鱼，肉质结实但偏瘦，鱼味又淡，纯粹系表面煎过下食落香口d，鱼上面既蜜桃就好甜好好食既，但连埋条鱼一齐食桃又冇咁甜，鱼又冇好食到🙈青瓜蓉同白酒汁好鲜好好食，正过条鱼好多😂
11 浏览
0 赞好
0 留言
Meat
黄油鸡伴橄榄小面团及洋蓟配烧汁
鸡肉表面香脆，但鸡肉好鞋又冇咩鸡味😓橄榄面团烟韧又重橄榄香，洋蓟鲜嫩甘甜，又系一个配料出色过主食材既菜式🙈
11 浏览
1 赞好
0 留言
慢煮和牛脸颊伴甘笋及芹菜头配烧汁
和牛脸颊煮得又淋又嫩滑，咬落充满胶质又带小小粘口，牛味亦唔错，甘笋同芹菜头爽甜，南瓜同雅枝竹蓉甜味好突出，不过个烧汁好咸😂
8 浏览
0 赞好
0 留言
Dessert
巧克力布朗尼伴芝士蛋糕及红桑子
马鞭草蛋糕伴特色蜜桃
上面两样蛋糕都好食既，无咩缺点但都冇惊喜，比起上次食既苹果挞同朱古力心太软完全系两个层次既甜品😓要加钱既梳乎厘就好正
榛子梳乎厘配云呢拿雪糕 (+$150)
梳乎厘表面几脆，轻盈蓬松，每啖都充满蛋香同榛子味，加埋雪糕一齐好好食，值得加钱试😋
12 浏览
0 赞好
0 留言
Petit Four
最尾送既三件甜品系右手边个柠檬挞最好，其他都普普通通
14 浏览
0 赞好
0 留言
Caprice既配料同酱汁系做得好出色既，复杂有趣，但肉类既菜唔知点解可以咁普通。同埋部分菜式调味太咸，明明上次好正常😓 呢间餐厅我会再黎既，始终环境同服务都正，食物质素就真系今次menu问题，所以我唔建议仲系呢个menu既时候黎食
价钱: $1095 (有加一)
环境: 9.5/10
服务: 9.5/10
味道: 8/10
性价比: 7.5/10
张贴
