礼 (已結業)

今朝去IFC睇戲,由於無食早餐,睇完出黎點幾鐘個肚不停響,,,見到兩間想食嘅餐廳都要排隊,行到呢間叫無人排...就試吓啦~個環境都幾好~位同位之間唔算好逼,二人檯又唔會過細我叫咗三色飯定食,有海膽,三文魚同帶子,另外仲有個細烏冬同沙律個沙律幾新鮮,唔會有青草味,蓄茄仔都幾甜海膽係我嘅最愛,入口即溶嘅感覺實在無話可說,而且份量都唔少三文魚水準都好好,帶子又夠肥美烏冬夠彈身,對我黎講係啱啱好,唔會過硬過軟個定食嘅份量真係交足貨,我自問食量唔細,但係都差啲食唔晒