白鬍子炸魚薯條 (已結業)

搭個天星渡輪去中環玩，見到呢間得意野，又忍唔住口買野食。買左個招牌fish n chips。正呀，好大盒，新鮮炸出黎，薯條同魚柳都熱辣辣。鍾意呢間野既炸魚柳，因為魚柳真係好新鮮，其他舖食既魚柳係冇味既，但係就係呢間有魚味，呢個就係新鮮同唔新鮮既差別。魚柳一入口，魚既甜味就已經出曬黎，加埋醬汁一齊食，好惹味。薯條熱辣辣，最重要夠爽口，天氣凍食呢熱辣辣雞薯條真係好舒服。叫埋個炸魷魚鬚，魷魚鬚都整得好夠味。最重要係彈牙，新鮮，今餐雖然全部炸野，但好味真係唔理得咁多。魷魚鬚既香料好正，冇叫錯！食炸野，一定要叫埋個啤酒，咁先有feel。叫左個draft beer。食完熱辣辣既野，飲杯凍生啤，人間享受。對住碼頭食呢d野特別有feel，下次再幫襯！