稻乙日本料理

营业中

休息中

難得今日放假，約咗閨蜜慶祝一下！呢間日本菜係尖沙咀，比較隱蔽，好唔顯眼，但係原來臥虎藏龍！佢主打Omakase，但亦有散叫，我地就自己嗌左幾樣想食嘅野！🔥北海道產真蠔、石垣貝刺身真蠔有少少柚子醋浸住，底下配有少量海苔，一啖食入口，口感同味覺都好衝擊，蠔肉好嫰滑、海苔好爽口、柚子醋酸酸地、仲有蠔肉嘅海水鮮味！石垣貝好鮮甜，夠爽口，點少少豉油更好味！🔥長崎縣產鮫蝶魚面頭係一啲辣蘿蔔蓉，配上一個酸汁，鮫蝶魚輕輕被燒左一面，食落好新鮮！🔥秋刀魚刺身炭燒秋刀魚平時就食得多，刺身都係第一次食，本身以為會好腥，但係加埋蘿蔔蓉同蔥花一齊食係一啲都唔腥，反而仲有種鮮味！🔥清酒煮大蜆呢個蜆粒粒都好大隻，食落好鮮甜，冇沙係基本啦，仲要有少少爆汁，另外個湯底飲落都好清甜！🔥鹽燒喜知次第一次食喜知次，d肉非常嫰滑，皮又燒到好夠脆！🔥天婦羅盛合盛合有南瓜、粟米、蕃薯、秋葵、炸魚天婦羅，南瓜蕃薯天婦羅雖然成日食，但係呢度嘅南瓜蕃薯特別甜！炸粟米同秋葵都比較少見，粟米好甜，秋葵好味！炸魚天婦羅啖啖肉！🔥魚湯稻庭烏冬呢度嘅湯底係真材實料，用大量白生魚熬製，冇落味精冇落豆腐冇落牛奶都可以咁奶白色，個湯底好鮮甜好好味！稻庭