渡邊屋

营业中

休息中

今日同老公去左尖沙咀睇錶，之後就去左間日式餐廳食晚飯。餐廳地方唔算大，裝修及擺設細緻，去到已經坐滿人。餐牌主打刺身、刺身丼飯、壽司同卷物，款式好多，同埋幾正宗。黑松露唐揚牡蠣卷：炸蠔咬落輕脆，配上青瓜口感清新，表面鋪上金箔同黑松露醬，感覺矜貴，幾好味。北海道刺身丼：丼份量多，刺身有三文魚、鯛魚同油甘魚，另外仲有馬糞海膽同三文魚子。刺身大件，新鮮厚切，有口感，入口帶薄薄油脂，質素唔錯。爆盛慢燒牛丼：牛肉切得薄薄，慢燒煮法鎖住肉汁，牛肉輕輕燒過，更容易滲出牛嘅香氣，味道濃較焦香，面層有蛋黃醬同雞蛋，將佢撈埋一齊食，食落好有層次感，好好食。