影片
更多
2018-05-21
1806 浏览
荃灣一向多美食，朋友介紹去到一間要先喺電梯大堂排隊上去，上到去差不多佔全層嘅鮮一夜火鍋店。餐廳空間環境好大，大多數座位以卡位設計，而且以綠色為主，我哋上咗去一陣都差唔多滿座了。餐枱上嘅餐紙清楚講明全個套餐入面包含嘅食物，估唔到係咁豐富，當中仲有我最鍾意嘅鮑汁扣鮑魚。鮑汁扣鮑魚中的鴨掌炆得非常林，咬落去嘅皮好入味，而且鮑魚質感爽口。除此之外，仲有我最鍾意嘅滋補養顏花膠翅燉湯。四位以上惠顧及Like Facebook專頁and Share，就有一支2008年澳洲Half Island Riesling 酒一支，真係又食又拎啊。首先來個刺身拼盤，當中嘅甜蝦刺身非常大隻，而且味道鮮甜，其他四款刺身都一樣新鮮好味。雞煲可以選擇不同嘅辣度，我哋就揀咗最少辣，可見配菜十足，包括有芫荽、洋蔥等等，非常香同惹味。雞件非常入味，而且份量都幾多。頸渴嘅時候，出面嘅飲品係以自助形式提供，仲有餐廳自家製嘅四款涼茶，仲有熱熱地嘅涼茶，最適合我鍾意飲暖胃嘅飲品嘅女士。另外仲有暖暖地嘅維他奶提供，餐廳非常貼心。另外，仲有多款啤酒系列嘅飲品。湯底都已經有五款選擇，另外如果鴛鴦湯底只需加＄30就可以有。火鍋配料亦非常豐富
荃灣一向多美食，朋友介紹去到一間要先喺電梯大堂排隊上去，上到去差不多佔全層嘅鮮一夜火鍋店。餐廳空間環境好大，大多數座位以卡位設計，而且以綠色為主，我哋上咗去一陣都差唔多滿座了。
餐枱上嘅餐紙清楚講明全個套餐入面包含嘅食物，估唔到係咁豐富，當中仲有我最鍾意嘅鮑汁扣鮑魚。
鮑汁扣鮑魚中的鴨掌炆得非常林，咬落去嘅皮好入味，而且鮑魚質感爽口。除此之外，仲有我最鍾意嘅滋補養顏花膠翅燉湯。
四位以上惠顧及Like Facebook專頁and Share，就有一支2008年澳洲Half Island Riesling 酒一支，真係又食又拎啊。
首先來個刺身拼盤，當中嘅甜蝦刺身非常大隻，而且味道鮮甜，其他四款刺身都一樣新鮮好味。
雞煲可以選擇不同嘅辣度，我哋就揀咗最少辣，可見配菜十足，包括有芫荽、洋蔥等等，非常香同惹味。雞件非常入味，而且份量都幾多。
頸渴嘅時候，出面嘅飲品係以自助形式提供，仲有餐廳自家製嘅四款涼茶，仲有熱熱地嘅涼茶，最適合我鍾意飲暖胃嘅飲品嘅女士。另外仲有暖暖地嘅維他奶提供，餐廳非常貼心。另外，仲有多款啤酒系列嘅飲品。
湯底都已經有五款選擇，另外如果鴛鴦湯底只需加＄30就可以有。
火鍋配料亦非常豐富，首先來一個非任食嘅海鮮拼盤同埋安格斯牛肉，不過好大盆，都食唔晒。
安格斯牛肉條紋非常平均，半肥瘦的，而且食落去有好濃郁嘅牛肉味道。
如果唔夠食仲有一張火鍋配料紙可以任點任食，當中點少得叫我最鍾意嘅雲吞，食落去皮薄餡靚，非常大隻，咬落去仲有好多鮮蝦，非常足料。
另外仲叫咗午餐肉、冬瓜、響鈴同埋鯇魚片等。最後仲有唔同味道嘅雪糕自己舀，有我最鍾意嘅雲呢拿味道，食完一個雪糕球已經好飽了，朋友們都大讚餐廳嘅食材新鮮，款式多，而且價錢合理，值得一試。
张贴
