磯幸 (已結業)

為咗慶祝我成功轉工 男朋友竟然重金請我去食高級日本料理 位於灣仔嘅呢間磯幸主打係食串燒同燒海鮮嘅 首先叫咗三款刺身 每款有兩片厚切 帆立貝刺身超級厚肉鮮甜 油甘魚重魚油香味 仲有最好食嘅中吞拿魚腩咬落去充滿油脂 但係又有魚肉嘅鮮味 係成條魚最好食嘅部分 仲有小食燒白飯魚乾 燒到脆卜卜好似薯片咁 但係又有魚香味 燒冬姑 仲有燒腩肉 燒牛脷 隻菇好多汁 而且面頭好乾身 夠新鮮 腩肉配上芥末醬一齊食一啲都唔漏 同埋肥瘦相隔 咬落去行口唔肥膩 牛脷粒夠曬厚切 口感一流 而且好重牛味 燒活龍蝦 龍蝦大大隻 而且肉質鮮甜爽口彈牙 係新鮮貨色 個頭仲有好多龍蝦膏 好食 到左最期待嘅燒喜之次 喜之次之前喺日本食過 一直念念不忘 今日竟然可以喺度重遇 表皮燒得好香脆 而且有淡淡鹽味 入面嘅肉好嫩滑鮮甜 加埋皮一齊食絕配 最後叫咗兩個手打稻庭烏冬 烏冬扁身彈牙 正宗嘅做法 湯底好出色用咗鯛魚去做埋單接近一千七百蚊 算係中高價錢 但係食到日本時令新鮮嘅海鮮 值得