影片
更多
2020-12-18
758 浏览
由宣布晚市禁堂食开始到依家都差唔多十日。禁堂食除左代表夜晚唔可以出街食之外，更加代表左我会洗少左钱，姐系储多左钱。今朝上完堂之后，终于可以放返两三个礼拜嘅假。都超过半年未试过放咁耐假，为左庆祝呢个久违嘅长假期，今日落堂之后就同左同学去左铜锣湾呢间矶野水产食豪啲，食餐正嘅lunch庆祝下。（其实都系因为见呢到呢排12-6pm主餐牌有七折，难得有日下午得闲就去食。）餐牌写住「用餐时，会送上收费鲜菜沙律为前菜，如不需要，请向本店职员提出，多谢」问左店员呢个沙律系咩黎，原来好似好特别咁，仲要只系$34，既然今日决定左要食豪啲，咁就唔好悭𠮶$34啦，照要！🥗野菜条沙律伴鳀鱼酱 $34有红萝卜、白萝卜同埋青瓜各几条。有个炉一路热住啲鳀鱼酱，个酱好浓。将啲野菜条点落啲鳀鱼酱到食，都几特别几好食。只系$34炸，好彩有加。🦞矶野龙虾海鲜盛合 $1398七折之后呢个餐一千蚊有找！两个人食够食架啦。呢个餐有一只活龙虾、两只活帆立贝、两只活蛏子、两只活处女北寄贝、两只赤虾同埋一条鲜鱿鱼。不过今日蛏子转左做生蚝，北寄贝转左做刀贝。全部食材都有得拣要刺身定系浜烧，鱿鱼同赤虾仲可以拣要天妇罗添。🦐赤虾同其中一只帆立
今朝上完堂之后，终于可以放返两三个礼拜嘅假。都超过半年未试过放咁耐假，为左庆祝呢个久违嘅长假期，今日落堂之后就同左同学去左铜锣湾呢间矶野水产食豪啲，食餐正嘅lunch庆祝下。（其实都系因为见呢到呢排12-6pm主餐牌有七折，难得有日下午得闲就去食。）
餐牌写住「用餐时，会送上收费鲜菜沙律为前菜，如不需要，请向本店职员提出，多谢」问左店员呢个沙律系咩黎，原来好似好特别咁，仲要只系$34，既然今日决定左要食豪啲，咁就唔好悭𠮶$34啦，照要！
🥗野菜条沙律伴鳀鱼酱 $34
有红萝卜、白萝卜同埋青瓜各几条。有个炉一路热住啲鳀鱼酱，个酱好浓。将啲野菜条点落啲鳀鱼酱到食，都几特别几好食。只系$34炸，好彩有加。
🦞矶野龙虾海鲜盛合 $1398
七折之后呢个餐一千蚊有找！两个人食够食架啦。呢个餐有一只活龙虾、两只活帆立贝、两只活蛏子、两只活处女北寄贝、两只赤虾同埋一条鲜鱿鱼。不过今日蛏子转左做生蚝，北寄贝转左做刀贝。全部食材都有得拣要刺身定系浜烧，鱿鱼同赤虾仲可以拣要天妇罗添。
矶野龙虾海鲜盛合
$1398
20 浏览
0 赞好
0 留言
🦐赤虾同其中一只帆立贝我地拣左刺身。赤虾同帆立贝都好大只，同埋好鲜甜，食得出真系好新鲜，唔会腥。
🦑鱿鱼我地拣左天妇罗，所以有炸鱿鱼圈食，好弹牙。
🦪生蚝同刀贝都系浜烧，大大只又有海水味，又鲜甜，都好食。
🐟有一只帆立贝系黑松露烧嘅，我觉得烧得好香好好食。有好重嘅黑松露味同牛油味，同时又唔会掩盖左啲帆立贝味。只帆立贝大只到切开四份都仲系几大粒。
🦞活龙虾一开始未烧之前，有放上台比我地望一望。𠮶阵只龙虾好生猛，仲不停咁郁紧，个求生意欲强到我对于自己准备要食佢都觉得有啲内疚。所以我拣左烧呢只龙虾黎食，好似烧熟左就会唔记得佢曾经咁生猛嘅一幕咁。
龙虾大大只，切开一半咁样烧熟左。上面满布充满龙虾味同龙虾肉嘅酱，再配埋龙虾味浓郁嘅龙虾肉食，然后我食得好享受，差啲唔记得自己曾经内疚过咁。
🎣伊佐木刺身（半条）$268
见有七折咁抵，为食嘅我地再叫多左份刺身。呢个刺身同样系唔腥又鲜甜好食，配上特制嘅酸汁系一流。
食咗差唔多两个钟，食得好饱好满足。
张贴
