蝦蝦燒

营业中

休息中

- 香港有好多流水蝦放題餐廳，呢間蝦蝦燒係我體驗過最好既！👍🏻- 上網睇呢間餐廳風評一直都好好，於是決定親身試一試佢，結果體驗都唔錯。- 呢間餐廳係主打燒流水蝦同時令海鮮既，地方夠大，材料無限供應，非常大方。- 一坐低，枱面已經有一個無火燒烤既爐，爐上有錫紙盒包住既牛油蒜蓉燒蝦🧈。同時，店員送上每人一份大蟮同蟶子。- 呢個時候緊係唔好執輸啦，我地立即去拎蝦黎燒。餐廳附有一個桶裝冰水同蝦，夾完流水蝦再浸暈佢先燒，比較人道。呢間餐廳既蝦，大部分都好大隻，食多幾隻同其他海鮮，都夠你回本啦！- 講起海鮮，餐廳有一大個好似魚店咁既凍櫃，有各式各樣海鮮，除左有扇貝、鮑魚、大蜆、螺、生蠔同魷魚，竟然仲有原條魚！- 燒大蝦同鮑魚係我最愛，呢到海鮮非常新鮮，燒蝦勁大隻，啖啖都係肉。至於鮑魚，加上蒜蓉同牛油出奇地夾，忍唔住食完一隻又一隻。- 除左海鮮，仲有好多唔同肉類同蔬菜類，全部都係任食嫁！醬汁方面，我地好欣賞佢既泰式辣汁，味道酸酸辣辣，勁過癮！- 飲品方面，上至無糖下至啤酒同汽水，都一應俱全！而雪糕方面，就係以本土雪糕為主，支持香港製造。