牛魔 (已結業)

Home office 咗一段時間，總算有機會可以出外食飯。難得約會，當然要搵間咁上下好食嘅先得喇😋牛魔餐廳位置鄰近K11，餐廳樓底頗高，枱之間嘅間距足夠，坐落都幾舒服。就坐後先有三碟小食，分別係泡菜、醃青瓜同埋中華沙律。熟食點了海鮮薄餅，以麵粉同蛋漿煎成嘅餅底再混入切片魷魚同少量蔥，岩岩上枱時非常好食，最緊要係配埋個汁👍🏻另外兩款燒物，分別係燒虎蝦同埋m7肉眼扒。廚師上碟前先將虎蝦開邊再挑蝦腸，處理得非常乾淨。燒嘅時候建議將蝦殼嘅一邊貼爐底燒，等蝦肉由透明轉成奶白色時再反轉輕輕燒一下，能有效避免蝦肉黏在網紋。另一款重頭戲m7肉眼扒，燒時候要小心爐溫同時間，此外要小心扒嘅油脂流得太多引起爐火。我就鍾意燒得岩岩熟透而且有少量焦邊，配埋燒肉汁加少少芥末就一流。