鮮味蒸滾鍋

鮮味蒸滾鍋是一家以新鮮海鮮為主既餐廳，今次試咗$368嘅套餐，套餐一共有八式，第一式係養生滋潤燉湯、第二式龍蝦半隻及活海貝盛盆，第三式係海鮮自選八揀四，就叫咗飽魚、生蠔、肉蟹、蟶子，第四式有蟲草花文昌雞同自家製嘅肉丸，第五式自選湯底，款底都較多，有八款湯底選擇，考慮到食材鮮味，就揀左海白湯底，第六式係任食牛頸脊同鯇魚肉，第七式係數十款配料嘅火鍋任食，最後第八式係南瓜粥。
一入去已經見到好多海鮮係養殖缸，證明海鮮絕對新鮮 海鮮全部都會有專人幫手蒸，確保唔會蒸過龍或者唔夠熟，呢點大大加分而海鮮都冇另人失望，好鮮味，個自家製嘅肉丸有驚喜，好好食。相反，蟲草花文昌雞就好一般，好淡同乾身。其實食完海鮮已經飽飽地，之後嘅任食都冇食得多。
加一後每人$405埋單，絕對抵食，海鮮的確不錯，但任食嘅食品就相對較差，喜歡海鮮的朋友可以一試。