馬祖無限時台灣養生涮涮鍋

营业中

休息中

呢間餐廳去過一次，感覺良好。今次encore,主力食牛肉和海鮮。湯底我地揀左藥膳椰子雞涮涮鍋，有椰汁的清香，加上微微的藥材甘甜，仲有數量很多的嫩滑雞件。美國安格斯牛肉同安格斯牛頸脊都好出色，肥瘦分佈均勻，肉味濃，淥完入口都夠嫩滑。連豬也有西班牙伊比亞黑毛豬的高級選項，脂肪分佈好似大理石紋，不但肥美，肉味芳香。最推介當然係呢度的海鮮，生猛海蝦大大隻，食得出是新鮮貨式。是日精選海鮮有蜆同蟶子。蜆食落冇沙，超級鮮味。另外白鱔片夠肥美，食落彈牙，我地encore左幾次。其他打邊爐會唸到的食材，例如手打肉丸、墨魚滑、餃子、芝士腸呢度都有。當然唔少得台式食品，例如鴨血、甜不辣、米血糕等等。餐廳仲有多種自家制花茶，飲品的選擇都好多。最後仲有甜品，為今餐劃上完美的句話。