影片
更多
2019-03-28
343 浏览
其實兩個人要食海鮮，就好難話去三聖，去街市買野又要煮又要洗，最方便就係食粥底鍋或者蒸氣鍋，市面上愈來愈多餐廳、酒樓有供應蒸鍋，我地都食過好多間，昨日收工就來到尖沙咀食呢間有蒸氣。有蒸氣位於天文臺圍，斜路一上就見到大招牌，幾有規模，唔係朋友講，真係唔知有間蒸鍋喺度。餐廳位置多，大部份係卡位，亦有梳化位同大圓枱，仲有獨立房間，私隱度較高，一班人食飯更加闊落。我地坐二人枱，都闊落都不得了，仲有電視睇套餐選擇多，按個人喜好啦，當然海鮮豐富D價錢咪高D，我地揀呢個係328蚊嘅海鮮餐，包左6款海鮮、兩款丸、瓜同自選粥底，其實都好豐富。海鮮包括：沙包蜆、海中蝦、大連鮑魚、元貝、美國桶蠔、薑蔥蒸鮮魷；而粥底可以揀南瓜/蕃薯/菜乾/黃豆鮮腐竹/粟米，搭排骨或雞。如果唔食粥底，可以揀湯底，最後飲個湯，個人認為粥底會飽肚D，揀左菜乾排骨。食粥底最大好處就係坐定定等食，基本上店員唔忙嘅話，都係佢地幫手蒸嘅，蒸鍋好快滾起，有timer好方便，夠鐘就食得。海鮮類唔洗蒸好耐，但係一路慢慢食，食到最後都好飽呢落鍋前會先加左粥底材料，等陣吸收海鮮嘅鹽份同鮮味。前菜嘅花生同青瓜，青瓜整得幾好食，辣辣地，好爽脆。首先上枱係
套餐選擇多，按個人喜好啦，當然海鮮豐富D價錢咪高D，我地揀呢個係328蚊嘅海鮮餐，包左6款海鮮、兩款丸、瓜同自選粥底，其實都好豐富。海鮮包括：沙包蜆、海中蝦、大連鮑魚、元貝、美國桶蠔、薑蔥蒸鮮魷；而粥底可以揀南瓜/蕃薯/菜乾/黃豆鮮腐竹/粟米，搭排骨或雞。如果唔食粥底，可以揀湯底，最後飲個湯，個人認為粥底會飽肚D，揀左菜乾排骨。
食粥底最大好處就係坐定定等食，基本上店員唔忙嘅話，都係佢地幫手蒸嘅，蒸鍋好快滾起，有timer好方便，夠鐘就食得。海鮮類唔洗蒸好耐，但係一路慢慢食，食到最後都好飽呢
落鍋前會先加左粥底材料，等陣吸收海鮮嘅鹽份同鮮味。
前菜嘅花生同青瓜，青瓜整得幾好食，辣辣地，好爽脆。
首先上枱係黑松露同蛋漿，話係送嘅呢，幾得意，第一次食蒸鍋有蛋。蒸蛋結實有蛋香，加少少松露，帶D鹹香，更正。
然後店員幫我地落沙包蜆、海中蝦，兩者時間差唔多，一齊蒸更加方便。蜆肉大隻冇沙鹹鮮；海蝦一去殼就知道係好新鮮，食落爽嘅
大連鮑魚加左蟲草花蒸，上枱時已經起肉，所以好方便，鮑魚彈性甚高，口感爽，更加新鮮
日本元貝係全餐最正嘅，一來大隻，二來新鮮，用左粉絲、蒜、椒絲調味，貝身超爽，加埋啲椒絲、粉絲，沾少量豉油，大滿足
美國桶蠔夠大隻，所以每人一隻，蠔肉漲卜卜，蒸海鮮真係只要海鮮夠新鮮，就唔加調味都好食。
薑蔥蒸鮮魷伴有豆卜，鮮魷爽脆到不得了，呢餐又健康又好食。
手剁豬肉丸同墨魚丸共6粒，都幾大粒，而且係自家手打，豬肉丸加左梅菜，唔沾醬汁都已經好入味，肉味香；墨魚丸彈牙。
最後係蒜蓉蒸勝瓜，勝瓜好腍身，唔會太重口味。
食哂蒸嘅野，店員就幫我地攪拌粥底，然後就食得。粥嘅份量都唔少，每人兩碗多D，粥底幾綿，水份多，所以唔會好稠身，有少少菜乾香，排骨仲幾腍，作為總結，真係要食個粥底暖暖胃先得。
张贴
