玄鮨 (已結業)

同朋友黎食廚師發辦，好滿意既一次體驗。-前菜有四季豆，冷麵及鴨胸。四季豆帶點芝麻及甜味，十分開胃。冷麵上既菇好香甜，冷麵冰涼透心。鴨胸鴨味香濃，配以薑蔥更香口。晶瑩既海蜇刺身，配以薑蔥豉油，非常爽口。-黎到刺身環節，樣樣都極之出色！金目鯛肉質細緻，嫩滑。響螺非常新鮮，爽口，每一口都係滿足。令人回味無窮既象拔蚌刺身，帶點檸檬香氣，微酸，鮮味十足。池魚配以薑蔥同自製配料，類似屋企平時蒸魚既味道，不同之處係呢個係新鮮，未經烹煮既魚，多左一份鮮味，帶點輕微既辣，即刻想撈返碗飯。十分肥美既大拖羅，有入口即融之感，強烈既魚香係口腔爆發，齒頰留香。白貝厚肉肥美，咬落去鮮甜多汁，感受到濃厚海鮮風味 。天婦羅包括魷魚明太子，瀨尿蝦同舞茸，爽滑魷魚包住明太子，蘸上天婦羅汁，好惹味。而瀨尿蝦熱辣辣，蝦膏香濃滋味。呢道菜我就非常一般，魷魚配以特製醬汁，醬汁偏濃味，呢種咸同辣味既配搭有啲不搭。壽司環節：配菜既薑係自家製作，加左甜醋及啤走啲辣味，非常爽口，冇平時既薑片咁辛辣，口感似醃蘿蔔，連我呢個從來唔食薑既人都忍唔住一口接一口。-赤貝：爽口美味。深海池魚：肉質鮮味十足。針魚：同薑蔥既辛辣配搭得宜。赤盧魚：表面經