影片
更多
2022-07-12
90 浏览
➖ 原隻北海道海膽刺身每次黎呢到鋪頭都會問下我試唔試下，原來一試真係會難忘佢比起平時一板板果啲更有鮮味仲好好好甜(鮮甜果隻甜)，肉質實淨帶點彈性再配上吞拿魚蓉食味道同口感都好夾➖ 晴空海之寶石特卷·炙燒拖羅刺身個特卷既海膽同上面原隻比真係會被比下去無咁鮮無咁甜，不過其實呢個卷都已經好好食，我覺得可以食左呢個先到原隻感覺會好好多。拖羅真係燒過有果陣魚油味先係最好食，不過都係厚切會好啲呢塊就有啲薄，好食但無左果種放舊肥豬肉入口既感覺都係未夠滿分➖ 三文魚子壽司·炙燒右口魚邊壽司三文魚子夠鮮夠大粒塞滿哂件壽司食落卜卜脆。炙燒右口魚我明明記得係好香咬落好肥美同淋淋地既，但我食果件有啲爽脆我極懷疑佢唔記得燒我呢件或者燒得唔夠耐➖ 清酒煮蜆上次試過8點就賣哂之後今次醒目打去留定先，呢到個清酒蜆暫時係我食過既第一名。蜆佢係用大沙白啖啖肉而味道食得出係用新鮮貨。湯底好香飲落味濃加上淡淡既酒味真係會飲到唔停手➖ 燒安格斯牛肉牛肉夠淋有肉味不過呢塊就比較多肥膏，而佢個牛汁亦都好好味撈埋個底啲菜食唔錯➖ 燒原條喜之次以前睇過啲節目講喜之次講到話係魚王咁，但今日食完又唔覺得好特出，魚燒得香既肉質都滑既其實都唔
每次黎呢到鋪頭都會問下我試唔試下，原來一試真係會難忘佢比起平時一板板果啲更有鮮味仲好好好甜(鮮甜果隻甜)，肉質實淨帶點彈性再配上吞拿魚蓉食味道同口感都好夾
➖ 晴空海之寶石特卷·炙燒拖羅刺身
個特卷既海膽同上面原隻比真係會被比下去無咁鮮無咁甜，不過其實呢個卷都已經好好食，我覺得可以食左呢個先到原隻感覺會好好多。拖羅真係燒過有果陣魚油味先係最好食，不過都係厚切會好啲呢塊就有啲薄，好食但無左果種放舊肥豬肉入口既感覺都係未夠滿分
➖ 三文魚子壽司·炙燒右口魚邊壽司
三文魚子夠鮮夠大粒塞滿哂件壽司食落卜卜脆。炙燒右口魚我明明記得係好香咬落好肥美同淋淋地既，但我食果件有啲爽脆我極懷疑佢唔記得燒我呢件或者燒得唔夠耐
➖ 清酒煮蜆
上次試過8點就賣哂之後今次醒目打去留定先，呢到個清酒蜆暫時係我食過既第一名。蜆佢係用大沙白啖啖肉而味道食得出係用新鮮貨。湯底好香飲落味濃加上淡淡既酒味真係會飲到唔停手
➖ 燒安格斯牛肉
牛肉夠淋有肉味不過呢塊就比較多肥膏，而佢個牛汁亦都好好味撈埋個底啲菜食唔錯
➖ 燒原條喜之次
以前睇過啲節目講喜之次講到話係魚王咁，但今日食完又唔覺得好特出，魚燒得香既肉質都滑既其實都唔錯既但就係唔特出。之後上網睇返原來分網捕同艇釣，因為佢一離水就會死所以釣先做到上水即時冰鮮佢呢個做法。新鮮啲自然好食啲，所以我相信呢條係網捕既(一定係咁，除非唔係)
➖ 海膽蟹肉炒飯
賣相幾靚名都吸引搞到有啲期待。但係，個飯炒得唔夠鑊氣而且無咩味，蟹肉絲係好多但真係絲食落完全唔覺有而且炒到啲絲乾哂咁，海膽撈落去食都無咩作為又係食落唔多覺
➖ 粟米天婦羅
粟米口感爽脆(但唔係因為太生，應該係炸到咁)味道仲好夠甜
🪧 已經係第四次黎食水準仲維持到，同埋終於搵到樣呢到唔好食既野
0 浏览
0 赞好
0 留言
4 浏览
0 赞好
0 留言
1 浏览
0 赞好
0 留言
0 浏览
0 赞好
0 留言
2 浏览
0 赞好
0 留言
2 浏览
0 赞好
0 留言
6 浏览
0 赞好
0 留言
0 浏览
0 赞好
0 留言
张贴
