影片
更多
2023-05-02
3887 浏览
「極尚大喜屋」可謂香港日式放題嘅元祖級人馬，以晚市低於$300元嘅價錢提供多款鮮活刺身、壽司、一品料理，口碑又唔錯，想穩穩陣陣地任飲任食，「極尚大喜屋」可算是首選。薄切活立魚 (一份四切): 為白身魚，口味較清淡，配以酸汁提升味道，其肉質爽滑，煙韌帶咬勁，放題可任食活魚都幾重手筆。首先，刺身整體質素唔錯，全部都幾新鮮，亦非常厚切，食落都幾有奢侈嘅感覺。唯一缺點係擺盤唔夠精美，打唔到卡（拿，你地自己兩盤都擺成咁，數碼相機都搞唔掂），但就唔影響味道嘅。刺身選項都係較大路：三文魚、油甘魚、劍魚腩、北寄貝、蠑螺、鮑片、大赤蝦、甜蝦及北海道帶子，再貴啲如海膽及拖羅蓉等就要食壽司了，多左舊飯太飽我自己就無食到。三文魚、油甘魚及劍魚腩呢幾款都超級厚切，食落啖啖肉，三文魚比嘅都係腩位，夠香滑，魚油味濃；油甘魚肉質較爽實，清甜得黎，魚油同樣香濃；而劍魚腩雖是白身魚，但魚油較重，味道亦較甘香；另外，大赤蝦亦非常新鮮，肥美厚肉，亦夠爽甜。泰式虎蝦刺身 (一份四隻): 虎蝦新鮮，蝦肉晶瑩剔透，配埋泰式酸辣汁及蒜頭食，同一般泰國餐廳$108/6隻嘅虎蝦刺身分別唔大......花雕醉鮑魚: 鮑魚質感軟腍，爽滑帶點
薄切活立魚 (一份四切): 為白身魚，口味較清淡，配以酸汁提升味道，其肉質爽滑，煙韌帶咬勁，放題可任食活魚都幾重手筆。
首先，刺身整體質素唔錯，全部都幾新鮮，亦非常厚切，食落都幾有奢侈嘅感覺。唯一缺點係擺盤唔夠精美，打唔到卡（拿，你地自己兩盤都擺成咁，數碼相機都搞唔掂），但就唔影響味道嘅。
刺身選項都係較大路：三文魚、油甘魚、劍魚腩、北寄貝、蠑螺、鮑片、大赤蝦、甜蝦及北海道帶子，再貴啲如海膽及拖羅蓉等就要食壽司了，多左舊飯太飽我自己就無食到。
三文魚、油甘魚及劍魚腩呢幾款都超級厚切，食落啖啖肉，三文魚比嘅都係腩位，夠香滑，魚油味濃；油甘魚肉質較爽實，清甜得黎，魚油同樣香濃；而劍魚腩雖是白身魚，但魚油較重，味道亦較甘香；另外，大赤蝦亦非常新鮮，肥美厚肉，亦夠爽甜。
泰式虎蝦刺身 (一份四隻): 虎蝦新鮮，蝦肉晶瑩剔透，配埋泰式酸辣汁及蒜頭食，同一般泰國餐廳$108/6隻嘅虎蝦刺身分別唔大......
花雕醉鮑魚: 鮑魚質感軟腍，爽滑帶點咬勁，花雕酒味幾香，幾入味。
天婦羅蝦: 炸粉口薄適中，食落唔會太膩，蝦肉okay，無咩特別。
燒牛舌: 牛舌味濃，淨係以鹽及黑椒燒都夠惹味，肉質爽滑具嚼勁。
脆炸貓山王: 榴蓮味香濃，餡料夠濃郁，爆曬漿，外層香脆，內裡軟糯，好好食。
食放題我一般只會飲無糖茶，餐廳亦有提供三至四款唔同口味嘅無糖自家製冷泡茶。
张贴
