餃子皇 (已結業)

等緊福元湯丸之際，又行過少少，到餃子皇外賣了一盒煎菜肉餃。今次比等湯丸更耐，因為師傅動作好緩慢，慢慢炸、慢慢夾同慢慢放入盒度。由於佢地手腳太慢，搞到我地搭唔到小巴，唯有搭的士。半小時後回到家，炸餃仲係好熱，仲好脆。隻隻餃都超大隻，真係食幾隻都飽。皮也很薄，而餡料就勁多，真係勁飽滿。餡料有韮菜豬肉或白菜豬肉，從外表係無辦法分辨到的。餡料也有調過味，所以不會淡而無味，菜肉比例均勻，肥肉不多，整體很不錯。