洪記美食 (已結業)

做完gym行過想食鮮果杯，點知見到有炸榴槤賣，仲要係新鮮即炸，唔使諗買返$10試下先。炸榴槤$10起，估唔到佢係拎隔離生果檔賣緊$30一pack既榴槤去上脆漿炸。呢份$10既份量肯定多過果一pack既三分一。臨走時老闆仲提我最好盡快食，否則淋咗會無咁好食。返到屋企先食呢個炸榴槤，外皮仲係熱同脆既。榴槤本身已經香甜軟滑，炸過之後帶微暖既榴槤更顯得滑。味道的確唔錯，唯一可惜既係個脆漿帶少少咸，感覺同甜既榴槤唔係太夾。特式鮮果杯$18有紅豆＋涼粉＋4款鮮果，雖然D生果唔係即切，但全部都新鮮同香甜，連少見既布冧都有，唔錯。紅豆可以再淋D就更好。