洪記美食 (已結業)

五月上旬‧晴熱辣辣的走在鴨脷洲大街，要找點能降溫的東西吃吃。想起這裡的冰凍沙律，還要考慮什麼？小的十二元，就要了一杯。以蘋果、椰果及雞蛋做底，加上薯仔及生果，當然還有沙律醬。鮮甜好吃，涼透心，便宜美味。

做完gym行過想食鮮果杯，點知見到有炸榴槤賣，仲要係新鮮即炸，唔使諗買返$10試下先。炸榴槤$10起，估唔到佢係拎隔離生果檔賣緊$30一pack既榴槤去上脆漿炸。呢份$10既份量肯定多過果一pack既三分一。臨走時老闆仲提我最好盡快食，否則淋咗會無咁好食。返到屋企先食呢個炸榴槤，外皮仲係熱同脆既。榴槤本身已經香甜軟滑，炸過之後帶微暖既榴槤更顯得滑。味道的確唔錯，唯一可惜既係個脆漿帶少少咸，感覺同甜既榴槤唔係太夾。特式鮮果杯$18有紅豆＋涼粉＋4款鮮果，雖然D生果唔係即切，但全部都新鮮同香甜，連少見既布冧都有，唔錯。紅豆可以再淋D就更好。

三月下旬‧晴帶舊同事來這邊吃飯，臨走前，來這裡吃雜果涼粉。一杯涼粉可以選五條生果，全都是新鮮即切，非常有心。要了西瓜、提子、哈密瓜、火龍果及木瓜，加上涼粉及椰汁，也真好吃。舊同事吃的也相當豐富，要了士多啤梨，有三粒，很不錯。

三月上旬‧晴本來對這些小食店沒有什麼興趣，但行過見有雜果沙律賣，看上去也真材實料的，就買一碗。材料可豐富，有蘋果，薯仔，椰果，火龍果，橙，只用上最簡單的沙律醬調味，簡簡單單的，卻是清涼討好，真不錯。對上一次吃這樣家庭風味的雜果沙律都不知是多久以前了！