上野酵素麵包生活館

营业中

休息中

由於我愛麵包又愛抺茶紅豆, 今日心癢下專登去了這間麵包店試一試這個「抺茶戀戀」。 去到間舖見到無呢款麵包,店員話未出爐要遲D先有, 心諗唔知等幾耐, 點知個店員幫我問一下麵包師傅, 佢話等多10分鐘就有。好!咁我就等足10分鐘，之後一去到, 個店員見又係我呢條友, 我問佢出爐未? 佢又幫我問麵包師傅有未, 師傅話得, 佢就立即幫我係個工場度夾個「抺茶戀戀」出黎, 嘩! 呢D服務態度, 真係好到個麵包未食都甜到漏!講返個麵包味道, 抺茶味濃, 紅豆粒唔會太稔, 剛好。但就真係好甜! 個"好甜"程度,我覺得同飲一杯「抺茶紅豆奶綠」一樣。如再經過太子, 會試下佢既「鳳梨酥」,話晒即製, 係香港都無乜邊度可以食到。