桃苑粥麵茶餐廳 (已結業)

尋晚一條友食dinner, 又唔知食咩好, 於是諗到呢度咪決定去睇下呢度今晚有咩食囉, 諗住如果唔就走頭, 點知又好似食, 咁我咪入去坐底囉, 其實之前都黎過呢度幾次, 印象都覺得幾好, 地方算大環境算乾淨, 食物質素唔差, 做飯堂一流架!坐底二話不說就叫左個快餐A, 咁個快餐A係粟米肉粒飯, 呢個飯亦都係我最鍾意其中之一! 快餐有餐湯, 仲要係中湯, 佢地日日煲, 算係老火例湯冇咩味精架! 粟米肉粒飯都要等差唔多五分鐘, 老實講佢就真係算耐左少少, 但係有原因架, 因為佢地係即叫即煮, 唔係一早煮定架, 所以個飯黎到係熱辣辣, 粟米肉粒同飯係分開上, 而粟米肉粒係用黃粟米汁仲有少少蛋花, 唔係白汁黎架, 黃粟米汁感覺清d冇咁廉口, 而粟米好甜, 肉粒份量算夠, 一d都唔硬唔韌, 都幾好味!而呢度杯餐杯亦係一絕, 奶茶又香又滑, 檸檬茶係底夠唔會太苦太澀但又唔會太清冇晒茶味咁, 好正呀! 其實呢度都幾抵食架, 快餐都係$25而凍飲都係加$2! 試過黎食下午茶餐, 有咸蛋叉燒飯, 都係$18仲有餐茶, 都幾好味架! 呢度真係粥粉麵飯樣樣有, 連牛什又有, 茶又香又靚, 淨係黎歎茶都可以啦